Eman izena startupen euskal sarean

Bai, baino… nola?

Gehiago irakurri

MENUA

24/03/19

entrevista

Bcare: Zientzia, teknologia eta esperientzia Energiaren Metaketaren sektorearentzat.

Bateriak eta kondentsatzaileak ezinbestekoak dira energiaren etorkizuneko metaketarako. Javier Moisés Olarte San Juanek eta haren taldeak erabateko konponbideak eskaintzen dizkiete enpresei sektorearen katea osoan; hala, bateria eta kondentsatzaileei etekin handiagoa ateratzen zaie, teknologia eta aplikazioen bideragarritasun tekno-ekonomikoa zehaztuz.

 

Bateriak eta Kondentsatzaileak etorkizunean Energia metatzeko gakoa dira; zelako beharrizanei erantzuten die Bcarek?

Bcarek materialen ezagutzan oinarritutako diagnostikoen zerbitzu anitz eskaintzen du. CIC energiGUNEren bereizgarria da, baterien orain arteko teknologia edo teknologia berrientzako (Litio-ion, Plomo, Níquel-Cd, REDOX, etab.). Bcarek laguntza-zerbitzuak eskaintzen ditu:

  • Bateria eta kondentsatzaileen egoera diagnostikatu eta aurresateko
  • Akatsak antzemateko asmoz, agortu ondorengo analisiak egiteko
  • Eskakizun bereziak dituzten teknologiarik onenak identifikatu eta hautatzeko
  • Besterentzako kontu-ikuskaritzak egiteko
  • Konponbide berrien bideragarritasun tekniko eta ekonomikoa ebaluatzeko

 

Zuen zerbitzua integrala eta osoa da; besteren kontu-ikuskaritzak ere egiten dituzue bateriak eta kondentsatzaileak ziurtatu edo homologatzeko.

Bai, Bcarek energiaren metaketaren sektorearen aldaketaren aitzindari izan nahi du mundu mailako merkatuan, balio gehigarriko zerbitzuak eskainiz erabakiak hartzerako orduan. Zalantzarik gabe, bateriak hautatzeko eta erabiltzeko prozesuetan, kontu-ikuskaritzak eta aholkularitza-zerbitzuak aurrezpen handia eta lehiarako abantailak ekar diezazkie gure bezeroei.

 

Lan on bat betiere lan-talde on baten bidez burutzen da.

Halaxe da, proiektu hau sustatu zutenek 30 urtetik gorako esperientzia dute energiaren metaketaren sektorean. Metaketaren industriaren katea ia osoan parte hartu dute modu aktiboan.

Gehigarri gisa, energiaren metaketan ibilbide luzea eta esperientzia handia duen talde gogotsua du Bcarek. Honez gain, teknologiari dagokionez ere, lehen mailako ibilbidea izan du CIC energiGUNEri zor, eta honi esker, erantzun onak emango ahal dizkio jasotako konfiantzari.

 

Nolako bezeroak izan ohi dituzue? Zein merkatutan gustatuko litzaizueke jardutea?

Sektoreei dagokienez, bateriei lotutako guzti-guztiak ditugu bezero; hau da, gehien-gehienak, etxe barruko esparrutik industria-esparrura bitartekoak. Azken honetan, mugikortasunari zein egonkortasunari lotutako aplikazioetan. Azkenaldian indar handia hartzen ari da metaketa energia berriztagarrien hazkunderako.

Ostera, eskualde eta merkatuei dagokienez, ez diogu geure buruari mugarik ezartzen, CIC energiGUNE eta Bcarek mundu mailako ikuspegia baitugu. Halere, egia esan, gure lehenengo produktuak Espainian egin genituen, Australian ere jardunaz.

 

Miñaoko CIC energiGUNEn kokatuta zaudete, gisa honetako proiektuak burutzeko aparteko giroan.

Jakina, CIC energiGUNE geure proiektua bultzatzeko plataforma oso egokia da. Gune ezin hobea eskaintzeaz gain, Bcareren zerbitzuekin lotura estua du, eta balio handiko informazioa izatera garamatza.

 

Amaitzeko, etorkizunera begira zein erronka dituzue mahai gainean?

Asko eta askotarikoak dira enpresa berrien erronkak: erakarpena, formakuntza, kudeaketarako lanabesak martxan jartzea, besteak beste. Gero eta konektatuago den mundu honetan, agian zailena helburuetara iristeko egonkortasun ekonomikoa lortzea da, honek kokapen bereizgarria eta bezeroen konfiantza ekarriko lituzkeelako.

Zehatzago, gure erronkarik handienak gure helburuarekin bat egiten du: metaketa-sistemen egonkortasunerako konponbideak lortzen erreferente izatea, etorkizuneko energiarako alternatiba baita.

 

+infoo: www.bcaremb.com

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.