MassChallenge Biscay: Bizkaia eta Gipuzkoako 15 startup Bostonera
Bizkaia eta Gipuzkoako hamabost startupek apirilaren 1etik 4ra enpresa-bizkortze lantegi batean parte hartuko dute Bostonen. MassChallenge Biscay programaren bidez etapak gainditzen joan dira. Hurrengo hautaketan agian munduko MassChallenge finalerdian lehiatzeko aukera izango dute.
Hauek dira irabazleak: Accexible, Apparazzi, Appsamblea, Dynargy, Hermeneus, Indicate, Lukkap, MedicSen, NARU, Playooner, Smowltech, Stoor, S-Ther, Tagenea, eta TESTUALIA.
Bostonen, aste horretan, beren negozio-eredua lantzen arituko dira MassChallengeko enpresa, mentore eta nazioarteko inbertsiogileekin batera. Aurrera egitea lortzen badute, MassChallengeko munduko finalerdian lehiatzeko aukeratuak izango dira beste 300 startupekin batera.
Horietatik 130ek 4 hileko bizkortze-programa egingo dute eta horren ostean finalista eta 100 000$-ko sariaren irabazlea aukeratuko da.
MassChallenge Biscay programaren edizio berri honetan parte hartzen duten 15 enpresek bat egingo dute aurretik esperientzia bizi izan duten 37 enpresekin, ekintzailetza bultzatzeko eta Bizkaia munduarekin lotzeko helburuarekin.
Contenidos relacionados
22/04/2024
noticia
Absentixek lan-absentismoaren kostuak murrizten ditu, enpresen lehiakortasuna eta produktibitatea handitzeko
Eragin ekonomikoa ebaluatuz eta elementu absentistak identifikatuz, startupak diagnostiko eraginkor bat egiteko gai da, presentzialtasuna optimizatzen laguntzen duten gomendio batzuk sortzeko.
19/04/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
18/04/2024
noticia
Abian da ekintzailetza berritzailea sustatzeko Toribio Echevarria sarien 34. edizioa
Hautagaitzak aurkezteko epea maiatzaren 16ra arte dago zabalik.
17/04/2024
entrevista
Trakek lidergoa indartu du fisioterapia digitalaren arloan, Adimen Artifizialari esker
Osasun digitalaren arloko startupak 1,3 milioi eurorekin itxi du inbertsioen bigarren txanda, nazioartekotzea sustatzeko.