Eman izena startupen euskal sarean

Bai, baino… nola?

Gehiago irakurri

MENUA

08/04/19

entrevista

‘Dëna’, haurraren garai guztietarako jostailua

Roberto Garcia diseinatzaile industriala da bokazioz eta 20 urtez jardun da Gipuzkoako enpresa handien I+D sailetan.

Diseinatzaile eta aita izatetik duen esperientziagatik, 2015ean jostailuetan silikona ia erabiltzen ez zela ohartu zen, beste sektoreetan ez bezala. Ondorioz, diseinu berriak egituratzen hasi zen, material ziur, malgu eta iraunkor honen abantailak aprobetxatuz. Hala sortu zen DENA TOYS, ‘platino silikona’ erabiliz jostailuak diseinatu eta ekoizten dituen enpresa, produktuak ‘dena’ markaren bidez merkaturatzen dituena.

 

Sormenezko jostailu ziur eta dibertigarriak, nola sortu zen negoziorako ideia?

Ideiaren gakoa silikona da, aita eta diseinatzaile izatetik bururatu zitzaidan, denbora galtzen ari nintzela iruditzen zitzaidan lanegun aspergarri batean…

Jatorrizko ideia txupeteak edota biberoiak egiteko erabiltzen den material ziur bera erabiltzean datza, jostailu ziurragoak sortzeko ere balio duena!

Silikona erabilgarritasun handiko materiala da. Malgua baina erresistentzia handikoa, eta haren egiturak ez die haurrei inolako kalterik egiten. Gainera, -60ºC-etik +220ºC-era bitarteko tenperaturak jasan ditzakeenez, plater-ikuzkailuan, labean zein izozkailuan sar daiteke!

 

Jostatzea ekintza serioa da; bizitzea, ikastea, garatzea, are serioagoa!

Dëna-k orain arte hutsik egon den merkatuaren esparrua hartzen du: platino silikonaz eginiko jostailu-sorta, egurrezko eta zurezko ohiko jostailuen aurrean alternatiba izan nahi duena, gure ustez azken hauek ez baitira haurren beharrizanetara moldatzen.

Materialaren segurtasunak eta diseinu minimalista baina malguak, bai haurtxoek bai 6-7 urteko haurrek gozatzeko jostailua lortu dute, era anitzetan jostatu dezaketeelako euren hazkuntzaren une desberdinetan.

 

Haurtzaroaren garai guztietarako aproposa den jostailua, konbinazio anitz dituena…

Halaxe da! Gure ustez jostailua haurtxoari egokitu behar zaio, eta ez alderantziz…

Haurrek den-dena ahora eramateko joera dute lehenengo hilabeteetan; jostailu honekin erabateko segurtasunaz egingo ahal dute.

Urtebete edo bi urte dituztenean, jostailua kolpatu, jaurti edo busti ahal izango dute araurik gabeko jokoan. Honelako jokoa funtsezkoa da haien garapen kognitibo, fisiko eta emozionalerako!

3, 4 edo 5 urte dituztela, joko sinbolikoa garatuko dute. Forma eta kolorearen arabera sailkatzen ikasiko dute, eta figurak pilatzeko kontzentrazioa eta kemena ere garatuko dituzte.

Bospasei urteetatik aurrera gurasoekin olgatu ahal izango dute, madalenak edota fruta-izozkiak prestatuz.

 

Dëna jostailu eta haurtzaintza-dendetan, farmazietan, merkataritza-zentroetan eta beste hainbat lekutan topa daiteke. Produktuak online dendaren bidez ere eros daitezke.

Banaketa-enpresen bitartez, dëna-k tratu oneko jostailu-denda txikien aldeko apustua egin du. Kalitatezko produktu eta marka gutxi batzuk eskainiz eta bezeroekiko tratu zuzena izanik, kasuan kasuko produkturik egokiena eskaintzen dituzten dendak.

Jakin dakigu orokorrean kontsumoa transformatu eta digitalizatzen ari dela. Zentzu honetan ere jarduten ari gara, zehazki www.denatoys.com webgunearen bidez eta duela zenbait hilabete gurekin harremanetan jarri zen Amazonen bidez.

 

Besteak beste, enpresa nazioartekotzea duzue lehentasun eta erronka nagusi.

Dëna mundu mailako bokazioz sortutako proiektua da, hasiera-hasieratik helburu honetarako prestatu ginen. Honetarako, marka eta diseinuak nazioartean erregistratu eta babestu genituen.

2019ko urtarrilean bigarrenez aurkeztu gara Alemaniako Nuremberg hirian urtero ospatzen den jostailuen sektorearen azokarik garrantzitsuenera: www.spielwarenmesse.de

Nazioartera zabaltzeko ahalegin honi zor, Portugal, Italia, Belgika, Holanda, Luxenburgo, Polonia, Estatu Batuak, Kanada, Erresuma Batua eta Taiwanera sartu gara, nahiz eta oraindik bolumen txikiaz izan den.

Orain, merkatu hauetan finkatu eta Frantzia eta Alemaniara iristea dugu helburu. Merkatuok eskura daudela dirudi, baina oso zaila da bertan sartzea!

Egia esan, pozarren gaude urte bian egin dugun lanagatik. Eta garrantzitsuena, goizean-goizean lanera etortzea gogoko dugu!

 

+info: www.denatoys.com

dena roberto garcía

DENA TOYS Donostian finkatuta dago. Enpresa, oinarri teknologikoa duen proiektu berritzaile gisa kalifikatu zuen enpresa berritzaileen babeserako programak. “Ekintzaile/Txekintek”, izena du programa honek. Enpresen Laguntzarako BIC GIPUZKOA Zentroak kudeatu eta gainbegiratu du ekimen hau, Gipuzkoako Foru Aldundia eta Enpresa-garapenerako Euskal Agentziaren (SPRI) babesaz.

2017an Donostia Sustapenaren INNPLANTA proiektuaren laguntza jaso zuen.

2018an, Dëna-k Donostia Sustapenaren EKIN+ programan partehartu zuen, baita nazioartekotzeko laguntzarako ICEX NEXT programan ere.

Azkenik, 2019an NEBTS programaren laguntza jaso du nazioartekotzeko, Gipuzkoako Bazkundearen bidez.

 

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.