Cyber Surgery izan da aukeratua Bostongo Richi Entrepreneurs-en murgiltze-programarako
Cyber Surgery startup-a izan da aukeratua 2019. edizioko Richi Entrepreneurs-en “Boston Immersion Program”-en parte hartzeko; Bostonen egiten den murgiltze eta azelerazio programa aurreratua, munduko ekosistema berritzaile aurreratuenetako batean.
Cyber Surgery-ren potentzial teknologikoa eta berritzailea oso positiboki baloratzeaz gain, beste alderdi batzuk ere saritu dira: helburuen irismena, talde sustatzailearen determinazioa eta jarrera, eta Estatu Batuetan inbertitzaileak aurkitzeko ahalmena. Cyber Surgery-k bi egonaldi egingo ditu Bostonen, lehena irailaren 30etik urriaren 4ra, eta bigarrena azaroaren 12tik 22ra.
Murgiltze-programari esker, Cyber Surgery-ren arduradunek lehen eskutik ezagutuko dute ekintzailetza-ekosistema estatubatuarra, eta etorkizuneko estrategiak finkatzeko gaitasunak barneratuko dituzte, baita bioteknologiaren eta osasunaren arloko ezagutzak zabaldu ere; modu esponentzialean hazten ari diren sektoreak, eta etorkizunera begira erronka handiei aurre egin behar dietenak.
Cyber Surgery-k bizkarrezurreko ebakuntzetarako laguntzaile-robotiko bat garatzen du, gaixoaren segurtausna handitzea ahalbidetzen duena, ahalik eta inbasio gutxien eraginez, eta operazien kostua eta denbora murriztuz. Bostongo egonaldiarekin, startup-a osatzen duen taldeak osasun-alorreko errealitate eta esperientziak partekatzeko aukera izango du; baita ere harremanak eraikitzeko inbertsore, bezero, ikerketa zentro, ospitale eta lehen mailako adituekin. Interakziorako eta gainontzeko startup-ekin sinergiak sortzeko aukera izango du Cyber Surgery-k.
Ekintzailetza berritzailea faktore determinatzailea da Gipuzkoako enpresa-ekosistemarako eta lehiakortasunerako; Gipuzkoak proiektu berritzaileak eta aitzindariak ditu askotariko arlo eta gaietan. Gipuzkoako Foru Aldundiak, BIC Gipuzkoaren lankidetzarekin, Richi Entrepreneurs-en nazioarteko “Boston Immersion Program” programa babesten du, biomedikuntza, medtech, biotech eta digital health alorrak lantzen, eta inpaktu altuko produktu eta kontzeptu-frogak garatzen dituzten startup-ak babesteko helburuarekin.
Contenidos relacionados
18/04/2024
noticia
Wake Up! Albiste ekintzaile batzuk sarean 240415
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
18/04/2024
noticia
Abian da ekintzailetza berritzailea sustatzeko Toribio Echevarria sarien 34. edizioa
Hautagaitzak aurkezteko epea maiatzaren 16ra arte dago zabalik.
17/04/2024
entrevista
Trakek lidergoa indartu du fisioterapia digitalaren arloan, Adimen Artifizialari esker
Osasun digitalaren arloko startupak 1,3 milioi eurorekin itxi du inbertsioen bigarren txanda, nazioartekotzea sustatzeko.
17/04/2024
noticia
Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko
Grabit suministra tecnología de visión artificial de última generación adaptada al sector minorista con el objetivo de mejorar la prevención de pérdidas y minimizar la pérdida desconocida.