Eman izena startupen euskal sarean

Bai, baino… nola?

Gehiago irakurri

MENUA

27/06/19

noticia

Testualia, milaka test azterketak eta ziurtagiriak prestatzeko

 

Testualia startupa Bostonera joango da Bizkaia International Startup Connection programaren barruan

 

Testualia plataformaren softwareak azterketen zailtasun-maila eta eduki-banaketa bereko ausazko test homogeneoak sortzen ditu,  erabiltzaileak aukera izan dezan frogak modu automatiko eta fidagarri batean prestatzeko. Germán Guevara Millán eta Juan Santos Fernándezek Bilbon sortutako proiektu honen helburua da erantzuna ematea ikasleek prestakuntza-zentroetan detektatutako premia bati.

 

“Imajinatu ziurtagiri edo azterketa baterako prestatzen ari zarela eta horretarako test asko egin behar dituzula, baina prestakuntza-zentroek test kopuru mugatua izaten dute eta azkenean beti test berdinak egiten dira, ikasleek buruz ikasten dituztenak” azaldu du Germán Guevarak “ez da erraza test on bat sortzea, esan liteke artisau-lana dela, izan behar dituelako mota desberdinetako galderak (praktika, teoria, kalkulua…) eta zailtasun-maila zehatz bat”.

 

Testualia softwarearen ezaugarri nagusia da, bere algoritmoari esker, gai dela test kopuru ia mugagabe bat sortzeko azterketen zailtasun-maila berarekin eta galdera mota desberdinak txandakatuz eduki guztiak barne hartzeko. Gaika sailkatutako galdera-sorta batetik abiatuta, softwarea gai da test ofizial baten ezaugarri berberak dituen azterketa-ereduak sortzeko segundo gutxitan.

 

Testualia enpresako lantaldeak finantza-aholkularitzarako ziurtagirientzat sortu zuen plataforma, enpresako bi bazkideek 20 urtetik gorako esperientzia profesionala baitute prestakuntza-eremu horretan. Gaur egun, ordea, sistemak zazpi ziurtagiri desberdinentzako azterketak eskaintzen ditu eta ordainpeko 1.000tik gora erabiltzaile erregistratu ditu. Plataformak jarduera-maila handia du: 27.000 test baino gehiago egin dira, horietatik 1.000 azterketa aurreko azken hiru egunetan. “Erabiltzaileak nahi adina azterketa-simulazio egin ditzake, zailenak egiten zaizkion gaiak praktikatu ditzake test espezifikoak eginaz eta txostenak kontsultatu ditzake jakiteko zein eremutan ari den hobeto eta okerrago” azaldu du Guevarak.

 

Epe laburrean, startupak bere edukiak zabaldu nahi ditu bestelako ziurtagiri batzuei buruzko testak eskaintzeko. Lantaldeak plataforma ireki nahi du prestakuntza-zentro eta unibertsitateentzat, tresna bezala erabil dezaten test propioak sortzeko. “Denbora eta baliabide asko behar dira testak egiteko. Zentroei lagundu nahi diegu goi-mailako kalitateko azterketak sortzen eraginkortasunez eta gure tresna erabiliz” dio bazkide fundatzaileak.

 

Testualia da Bizkaia International Startup Connection programaren azken edizioan aukeratutako zortzi enpresetako bat eta datozen hilabeteetan CIC Cambridge-ra joango da bere proiektua azeleratzeko. Startup honek hainbat erakunderen laguntza izan du bere garapenean, besteak beste, SPRI Taldearena, Bizkaiko Foru Aldundiarena eta BIC Bizkaiarena.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.