XXI. mendeko unibertsitate ekintzaile, Erronkak eta Aukerak: UPV/EHUren Ekintzailetzaren I. Kongresua
UPV/EHU Ekintzailetzako I. Kongresuak, “XXI. MENDEKO UNIBERTSITATE EKINTZAILEA, ERRONKAK ETA AUKERAK”, helburu nagusitzat du UPV/EHUn hedatutako ekintzailetzako eta berrikuntzako estrategietan lortutako emaitzen balioa nabarmentzea eta inplikatutako gako-eragileen arteko topaketa ahalbidetzea: eskaintza teknologikoa, spin-off, administrazioak, enpresak eta kapital-funtsak.
Bloke tematikoak Transferentzia teknologikoa eta Berrikuntza irekia izango dira.
TRANSFERENTZIA TEKNOLOGIKOAREN esparruan teknologia balorizatzeko eta transferitzeko prozesuetako alderdi kritikoak analizatuko dira. Nazioartean prozesu horiek abian jartzen aitzindariak diren ekosistemetako profesional eta funtsezko pertsona ordezkariek esku hartuko dute, jardunbide egokien elkarlaneko ereduak ahalbidetzeko, gako-faktoreak eta arrakasta-kasuak aztertuta.
Bertaratuek aukera izango dute lehen eskutik ezagutzeko UPV/EHUn teknologiak merkaturatzen jardunean dauden ikerketa-talde nagusien eskaintza teknologikoa.
Aukera izango dute, halaber, UPV/EHUn sortutako jakintzaren ondorio diren spin-offen aurkezpenetara bertaratzeko.
Berrikuntza irekian UNIBERTSITATEAREN eta ENPRESAREN arteko harremanari eta aukerei buruzko mahai-ingurua garatuko dugu.
Nazio-mailako erreferentziako enpresen berrikuntza irekiko ereduak aurkeztuko dira, haietan nahasitako prozesuak eta horien arrakasta-gakoak ezagutzeko.
Kapital-funtsen ordezkari adituek, early stage-n espezializatuek, beren esperientziak azalduko dituzte eta beren ikuspegien arabera proiektu bat inbertitzeko interesgarri bihurtzen duten gakoen berri emango dute.
Beren esperientzia ezagutzera emango duten bi spin-off izango dira mahaian.
Bertaratutakoak, jardunaldian zehar izango den eskaintza teknologiko zein Spin-Off-ekin bilerak/business matchmaking egiteko aukera izango dute.
Azken batean, networkinga ahalbidetu nahi da ekintzailetza zientifiko-teknologikoaren gako-eragileen artean.
BUSINESS MATCHMAKING
Bertaratuek eskura izango dute eskaintza teknologikoaren eta spin-offen interesen/beharren zerrenda.
Eskaintza teknologikoaren eta spin-offen interesen zerrenda
Antolatzailearen bitartez aldebiko bilerak hitzartu ahal izango dituzte agendan, kongresuan zehar interesatzen zaienekin.
Bilera eskatzeko: congreso@retosuniversidad.com
JARDUERA ZUZENTZEN ZAIEN XEDE-TALDEAK
- Eragile zientifiko-teknologikoak
- Ekintzailetza-kudeatzaileak
- Enpresak
- Inbertitzaileak
- Ekintzaileak
Helburuak
Unibertsitateetatik teknologia transferitzeko jardunbide egokien ereduak eztabaidatzea eta aztertzea. Gako-faktoreak eta arrakasta-kasuak.
Unibertsitate-ekintzailetzaren gako-faktoreak aztertzea eta nazioko eta nazioarteko esperientzien trukea ahalbidetzea.
Teknologia transferitzeko eta oinarri zientifiko-teknologikoko enpresak sortzeko prozesuetan unibertsitateen esperientzia, lorpenak eta zailtasunak balioestea.
Gako-eragileen artean networkinga ahalbidetzea: eskaintza teknologikoa, spin-offak, enpresak eta kapital-funtsak.
ANTOLATZAILEAK
BABESLEAK
Gipuzkoa Foru Aldundiko Ekonomia Sustapena, Turismo eta Landa Ingurunea
Contenidos relacionados
24/04/2024
noticia
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Nuuk, Syngoi Technologies, Jeremías, Sparber Líneas Marítimas eta Pevasa enpresek jaso dituzte ON Bizkaia sariak, funtsezkoak diren sektoreetan frogatu duten berrikuntza eta lidergoagatik
23/04/2024
noticia
Emen4sport, kirol-arrakazta edonoren eskura I+G+b baten bidez
Bilboko enpresak baliabide onenak erabiliz edozein pertsonaren kirol-errendimendua eta osasuna hobetzeko “metodo paregabea eta berritzailea” garatu du. Gaur egun, hiru proiektu berri eta adimen artifizialeko plataforma bat garatzen ari da.
23/04/2024
noticia
Brandfy, markak diseinatzeko prozesua birdefinitzen duen Adimen Artifizial Sortzaile tresna
25 diseinurako baliabide baino gehiago dituen katalogoa eskaintzen du eta ez du aurrez aurre definitutako diseinu txantiloirik barne hartzen
22/04/2024
noticia
Woza: “BIND aparteko plataforma da startupen hazkunderako eta ikusgarritasunerako”
BIND Govtech-en bidez, Wozak berrikuntza-proiektu bat egin zuen EVE sozietate publikoarekin, eta horrek barne-prozesuak, -estrategiak eta -metodologiak hobetzeko balio izan dio.