Eman izena startupen euskal sarean

Bai, baino… nola?

Gehiago irakurri

MENUA

16/11/20

noticia

BIND 4. 0 Europako Batzordeak Enpresa Sustapenerako ematen dituen Sarien irabazlea

BIND 4. 0 plataformak irabazi du enpresa-ingurunearen hobekuntzaren kategorian, Berlinen egin den ETEen urteko Batzarretan.

 

Egindako lau edizioetan, industria adimenduneko berrikuntza irekiko plataformak 100 startup baino gehiago bizkortu ditu eta 170 proiektu teknologiko baino gehiago sustatu ditu sektoreko 57 enpresa liderren eskutik.

 

Industria adimenduneko berrikuntza irekiko BIND 4. 0 plataformak irabazi du Enpresa Sustapenerako Europako Sarien XIV. edizioa, enpresa-ingurunearen hobekuntzaren kategorian. Sari horiek Europako Batzordeko Barne Merkatuko, Industriako, Ekintzailetzako eta ETEetako Zuzendaritza Nagusiak antolatzen ditu. Irabazlearen izena Berlinen azaroaren 16an egin den ETEen urteroko Batzarrean eman dute ezagutzera. Sari horren bidez ekintzailetzaren sustapenaren tokiko, eskualdeko eta nazio-mailako politikak aitortzen dira.

Hautagaitza hori beste 13 proposamenen artean hautatu dute. Bertan,  estatuetako, autonomia-erkidegoetako eta tokiko administrazioek, eta ekintzailetza sustatzeko jarduketak egiten dituzten eta ekonomia bultzatzen duten elkarte publiko-pribatuek eta enpresa-erakundeek hartu dute parte.

BIND 4.0 industria adimenduneko berrikuntza irekiko plataforma publiko-pribatu bat da, Ekonomiaren Garapen eta Azpiegitura Sailak SPRI Taldearen eta Euskal Autonomia Erkidegoko ekintzailetzaren ekosistemako UpEuskadi plataformaren bitartez sortua. Gaur egun, Euskal Autonomia Erkidegoan egoitza duten erreferentziazko 57 enpresa nagusirekin lankidetzan dihardu, eta nazioarteko laguntzaile teknologikoek ere parte hartzen dute, hala nola Siemens, Microsoft eta Amazon Web Services-ek. Ekimena helburu bikoitzarekin sortu zen: alde batetik, industriaren eraldaketa digitala bultzatzeko, eta, bestetik, ekimen berritzaileak sendotzeko prozesua enpresa handien eta startupen arteko lankidetza-eredu baten bitartez bizkortzeko. 2016. urteaz geroztik, BIND 4.0 plataformak bere lau edizioetan 100 startupek baino gehiagok garatu dituzten 178 proiektu bizkortu ditu guztira

Eusko Jaurlaritzako Ekintzailetzaren, Berrikuntzaren eta Informazioaren Gizartearen zuzendari Leyre Madariagarentzat: “Oso harro gaude BIND 4. 0ren bidez startupak bizkortzeko eta enpresa-ingurunea sustatzeko egiten ari garen lana Europako Batzordeak saritu duelako. Bost edizioren ondoren, berrikuntza irekiko plataforma bihurtu da. Bertan, enpresek Industria 4. 0ko soluzio berritzaileenak identifikatu eta abiarazi, eta euren eraldaketa digitala azkartu ditzakete. Erakunde publikoen, enpresa pribatuen eta startupen arteko bateratze- eta lankidetza-eredu bat da, industria eraldatzeko eta haren lehiakortasuna hobetzeko”.

BIND 4. 0 Eusko Jaurlaritzak eta Euskal Autonomia Erkidegoan presentzia duten enpresa global nagusiek —adibidez, Siemens Gamesa, Unilever edo Mercedes Benz, besteak beste— sustatutako berrikuntza irekiko plataforma bat da. Programa horren bidez, enpresen eta startupen arteko elkarrekintza dinamizatzen da, industriaren, energiaren, osasunaren eta elikaduraren esparruetan berrikuntza eta eraldaketa digitala sustatzeko helburuarekin.

Nazioarte-mailako ekimen publiko-pribatu bat da, eta hiru helburu nagusi ditu: Euskal Autonomia Erkidegoko industria-ekosisteman startupen garapena bizkortzea, enpresen eraldaketa digitala sustatzea, eta Euskal Autonomia Erkidegoaren ekosistema industria-ekintzailetzako hub aurreratu gisa kokatzea. 2016an programa abian jarri zenetik, 100 startup baino gehiago bizkortu dituzte eta 170 proiektu baino gehiago garatu dituzte, 5 milioi euroko fakturazioa gaindituz.

 

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.