Eman izena startupen euskal sarean

Bai, baino… nola?

Gehiago irakurri

MENUA

17/11/20

noticia

Ekintzaileek eta Ikasleek konponbideak bilatu nahi dituzte urari hondakinek eragiten dizkiogun kalteak arintzeko

2020ko Deusto Ekintzaile Astearen barruan, Deustuko Unibertsitateko ikasle ekintzaileek parte hartuko dute “Climathon” eta “Brainstorming creativo” ekimenetan, klima aldaketari buruzko erronkei erantzunak emateko.

Ekimen horiek URA 20-21 ekimenaren barruan daude eta Deustok Alboan GKEarekin eta AQUADAT startup-arekin lankidetzan jarritako kanpaina da, helburu du itsasora botatzen ditugun hondakinekin eta zaborrarekin urari eta ingurumenari eragiten diegun kaltearen inguruan sentsibilizatzea.

URA 20-21 ekimena urrian hasi zen, ikasleek, hezkuntza-komunitateak eta, oro har, gizartearen parte hartzearekin "Deusto Ekintzaile Solasaldiak" eginez. Uraren erabilera egokiaren garrantziaz eta horrek gizartean eta ingurumenean duen eraginaz kontzientziatzea zuten helburu. URA ekimenaren asmoa da datozen hilabeteetan ikerketa eta mobilizazio jarduera ugari antolatzea. Besteak beste, azaroaren 16tik 20ra bitartean Deusto Ekintzaile Astearen barruan egingo diren ekimenak.

Kanpaina horren barruko beste ekimen bat "Zeuk aukeratzen duzu gure itsasoa" proiektua da, eta, horren barruan, azaroaren 7an Zurriolako hondartzan (Donostia) egindako ekitaldi batean bildutako hondakinetatik abiatuta eskultura bat sortuko da. Peio Arnaez Deustu Campusekoak egingo du irudia, eta zaborrak urari eta ingurumenari egiten dien kaltea irudikatu nahi du. Kafetegiaren ondoan egongo da eta Donostiako campuseko irudia izango da Deusto Ekintzaile Astean. Enkantearen bidez, bildutako dirua Alboan GKEaren proiektu bat, urarekin lotutakoa, diruz laguntzeko erabiliko da.


Espiritu berritzailea arnastu

Deusto Ekintzaile Astearekin, Unibertsitateak Global Entrepreneurship Week mugimenduarekin bat egiten du. Mugimendu hori aldi berean egiten da 180 herrialdetan, 20.000 bazkiderekin, 40.000 ekitaldirekin eta 10 milioi parte hartzailerekin, eta kultura ekintzailea eta berritzailea sustatzea du helburu. Oraingo honetan, pandemia dela eta, programatutako ekitaldi gehienak online dira. Hala ere, Deustun berrikuntzaren eta ekintzailetzaren espiritua arnastu ahal izango da Bilboko eta Donostiako campusetan.

Aurreikusitako gaietako batzuk hauek dira: Deusto Ekintzaile Books, Álvaro Díez Avilés eta Josep Maria Vallvè i Guionnet egileek aurkeztuko dute "El Batacazo Emprendedor" liburua eta Jose Ignacio Sordo Galarzak aurkeztuko du "El CEO inconformista" eta "Innovación Frugal" webgunea aurkeztuko da.

Halaber, Bilboko campusean Deusto Ekintzaile Gunea jarriko da, eta bertan bi itsas edukiontzi jarriko dira, "Azal" desberdin batez estalita eta mezua jarrita. Gainera, horietan Deustuk berrikuntza eta ekintzailetza bultzatzeko eskaintzen dituen laguntza zerbitzu guztien berri emango da.

Era berean, martxan jarriko da "Munduak batzen" Deusto Ekintzaileren podcast berria, hainbat historia eta ideia dituzten ekintzaileak batzen dituena.

Solasaldien programa da, berrikuntzaren eta ekintzailetzaren munduko jende interesgarria batzen duena.

info+: https://blogs.deusto.es/iedeusto/

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

03/12/2020

entrevista

SAVVY DATA SYSTEMS: “Industria gara, datuei etekina ateratzen diegu, negozioa sortzen dugu…”

10 urte bezeroei euren digitalizazioan laguntzen; datuak baliozko informazio bihurtzen, erabakiak arintzen eta produktu eta zerbitzu digitalakeskaintzen.

03/12/2020

noticia

Digitalentu ETE-en eta enpresa handien digitalizazioan eta zerbitizazioan ari da lanean negozioak bultzatzeko

Cidetec euskal zentro teknologikoa edo Ingeteam taldea bezalako bezeroak dituzte, eta baita Rotterdameko metroa (RET) edo Dellner alemaniarra bezalako nazioarteko enpresak ere

02/12/2020

noticia

Biodonostiak eta Donostiako Udalak osasun-arloko berrikuntza eta ekintzailetza-konpromisoa berritu dute

Besteak beste, Biodonostiak zehazturiko erronkei irtenbideak proposatzeko ekintzaileei zuzenduriko deialdi bat ere zabalduko da.

02/12/2020

noticia

CounterCraftek NATOren zibererasoen aurkako Defentsa Aktiboko proiektu batean parte hartzen du

Ekitaldian mila parte-hartzaile baino gehiago izan zituen