Eman izena startupen euskal sarean

Bai, baino… nola?

Gehiago irakurri

MENUA

15/04/21

noticia

Jaurlaritzak bere babesa emango die startup-ei “Cita Emprende” ekitaldian

 

Eusko Jaurlaritzak eta enpresen garapenerako bere agentziak, hots, SPRI Taldeak euren babesa emango diete berriro startup, inbertitzaile eta ETEen arteko lankidetza sustatzeko ekimenei, eta horietako bat da Cita Emprende ekitaldia, Adegi Gipuzkoako patronalak eta El Diario Vasco egunkariak antolatua eta online egingo dena apirilaren 20tik 22ra.

 

“Cita Emprende” topaketa telematiko bat da, helburutzat duena ETE, startup eta inbertitzaileen arteko lankidetza sustatzea berrikuntza irekian oinarriturik. 2021eko edizio honetan parte-hartzaileek aukera izango dute bi profesional handiren hitzaldiak entzuteko: Paul Van Son (High Tech Campus Eindhoven) eta Didac Lee (serieko ekintzailea eta inbertitzailea). Bestalde, hiru mahai-inguru egingo dira, zeintzuetan hizpide hartuko baitira Euskadiren eta, zehazki, Gipuzkoaren politika industrialean apustu bezala bultzatu diren sektore eta teknologiak eta, beraz, industria garatzeko palanka garrantzitsu izango direnak: Jasangarritasuna, Digitalizazioa eta Bio-zientziak / Osasuna.

 

Ekitaldia Paul Van Son-en (High Tech Campus Eindhoven zentroko berrikuntza-zuzendaria) hitzaldiarekin hasiko da, zeinetan ezagutzera emango baitu Europako kasurik interesgarri eta indartsuenetako bat, ongi konektatutako Berrikuntza Irekiko ekosistema propio baten sorkuntza.

 

High Tech Campus Eindhoven azalera handi bat da, arlo desberdinetako 230 konpainiak eta 12.000 ingeniari eta ikerlarik baino gehiagok osatzen dutena. Arlo horietako batzuk dira osasuna, jasangarritasuna, softwarea eta SaaS plataformak, inteligentzia aplikatua eta ingurune adimendunak eta konektagarritasuna.

 

Didac Lee-k emango du bigarren hitzaldia, Arrakasta duten startupen ezaugarriak izenekoa, non ekintzaile gisa duen ibilbide garrantzitsutik abiatuta aztergai izango baitu zeintzuk diren startup batek arrakasta izateko behar dituen faktoreak. Azalduko du zeintzuk diren saiakera-fasean porrotera garamatzaten alderdiak, argi utziz porrot horrek ez duela zertan zerikusirik izan akatsen tamainarekin edo kopuruarekin.

 

Hiru mahai-inguruek (Jasangarritasuna, Digitalizazioa eta Bio-zientziak / Osasuna) elementu komun bat jorratuko dute, hots, nola Euskadik eta Gipuzkoak apustu sendoa egin duten azken urteetan espezializazio adimenduneko estrategiaren bidez, helburutzat harturik etorkizuneko lehiakortasuna ziurtatzea, bide horretatik, gizarte gorakor, moderno eta sozialki orekatua izaten jarraitzeko.

 

“Cita Emprende” topaketan parte hartu nahi duten pertsonek ekitaldiaren web orrira jo dezakete erregistratzeko, egitarauaren berri izateko eta plataformak berak ahalbidetuko duen networking-ean parte hartzeko.

 

Ekitaldiak Eusko Jaurlaritzaren laguntza eta babesa du SPRI Taldearen bitartez, eta baita ere Gipuzkoako Foru Aldundiko Ekonomia Sustapen, Turismo eta Landa Ingurune Sailarena eta Laboral Kutxa eta Bilbao Port erakundeena.

 

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.