Petronorrek eta Epowerlabsek hidrogeno berdearen teknologiak garatuko dituzte mugikortasunerako
Petronorrek eta mugikortasun elektrikoaren eta sorkuntza banatuaren sektorerako soluzioak garatzen dituen EPowerlabs potentzia-elektronikako ingeniaritzak akordioa sinatu dute bi enpresen arteko harremanak sustatzeko eta mugikortasunaren arloan hidrogenoaren erabilera erraztuko duten teknologien analisi eta garapenean elkarrekin lan egiteko.
Gainera, bi aldeek helburutzat zehaztu dute mugikortasunerako hidrogenoaren aplikazioen garapenean eginkizun garrantzia izan dezaketen industria-inguruneko enpresak edo partnerrak identifikatzea.
José Ignacio Zudaire Petronorreko Pertsonen, Antolaketaren, Harreman Instituzionalen eta Ekonomia eta Finantza Sailaren zuzendariak argi utzi du “Petronorrentzat, industriari trakzioa eragiten dion energia arloko enpresa den aldetik, EPowerlabsekin lankidetzan jarduteak beste aurrerapauso bat ekarriko duela Euskadiri trantsizioaren erronka lideratzen lagunduko dion sare industrial eta teknologikoa sortu ahal izateko”.
EPowerlabsek lankidetzan jardungo du Petronorrekin, aholkulari teknikotzat, konpainiak haren laguntza behar duen esparruetan, hala nola, Hidrogenoaren Euskal Korridorea (BH2C), erregai-pilari dagozkion teknologien analisia edota hidrogenoaren teknologien garapenari dagozkion ekimenak.
Mikel Peral EPowerlabseko CEOak nabarmendu duenez, “akordio hau sekulako aukera da gurea bezalako enpresa batentzat Petronorren kategoriako erreferentziazko konpainia batekin batera lan egin ahal izateko, kasu honetan soluzio zehatzak lortzen laguntzeko. Eginkizun hori egokitu digute, izan ere, gure taldeak mugikortasunaren arloko garapenetan lan egin du, eta gertu-gertutik ezagutzen ditu ibilgailuan txertatutako hidrogeno-pilaren sistemak”.
info +: www.epowerlabs.com
Contenidos relacionados
24/04/2024
noticia
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Nuuk, Syngoi Technologies, Jeremías, Sparber Líneas Marítimas eta Pevasa enpresek jaso dituzte ON Bizkaia sariak, funtsezkoak diren sektoreetan frogatu duten berrikuntza eta lidergoagatik
23/04/2024
noticia
Emen4sport, kirol-arrakazta edonoren eskura I+G+b baten bidez
Bilboko enpresak baliabide onenak erabiliz edozein pertsonaren kirol-errendimendua eta osasuna hobetzeko “metodo paregabea eta berritzailea” garatu du. Gaur egun, hiru proiektu berri eta adimen artifizialeko plataforma bat garatzen ari da.
23/04/2024
noticia
Brandfy, markak diseinatzeko prozesua birdefinitzen duen Adimen Artifizial Sortzaile tresna
25 diseinurako baliabide baino gehiago dituen katalogoa eskaintzen du eta ez du aurrez aurre definitutako diseinu txantiloirik barne hartzen
22/04/2024
noticia
Woza: “BIND aparteko plataforma da startupen hazkunderako eta ikusgarritasunerako”
BIND Govtech-en bidez, Wozak berrikuntza-proiektu bat egin zuen EVE sozietate publikoarekin, eta horrek barne-prozesuak, -estrategiak eta -metodologiak hobetzeko balio izan dio.