Eman izena startupen euskal sarean

Bai, baino… nola?

Gehiago irakurri

MENUA

25/10/21

noticia

Multiverse Computingek hamar milioi euroko inbertsio erronda itxi du

Multiverse Computing, finantzetarako konputazio kuantikoan nazioarteko liderra den startup euskaldunak 10 milioi euroko (11,55 milioi $) hasierako finantzaketa-erronda itxi du. JME Ventures da errondako liderra, eta honako hauek ere barne hartzen ditu: Quantonation, EASO Ventures, Inveready, CLAVE Capital (Mondragon Sustapen Fondoa), Ikerlan, LKS, Penja Strategy, Seed Gipuzkoa eta Ezten Arrisku Kapitalaren Funtsa.

 

Finantza-industrian duen ikuspegiaz gain, finantzaketa-errondak konpainia pixkanaka merkatu berrietan sartzen lagunduko du, hala nola energian, mugikortasunean eta fabrikazio adimendunean. Izan ere, Multiverse Computingek erreferentziazko bezeroekin lan egiten du dagoeneko arlo horietan. Konpainiak bere hedapen globalerako babesa areagotuko du. Gaur egun, Toronton dagoen filial bat, bete-betean jardunean dagoena, eta Parisen eta Munichen ireki berri dituen bi barne hartzen ditu.

Multiverse Computing Singularity® plataformaren sortzaile eta garatzailea da. Finantza-industriarentzat balio handiko produktu mota bat da plataforma hori. Sektoreko profesionalei kalkulu-orri soil batetik algoritmo kuantiko ultraeraginkorrak erabiltzeko aukera ematen die, oso problema konplexuei aurre egiteko (hala nola zorroak optimizatzea eta iruzurrak detektatzea), konputagailu kuantikoen erabilerari buruzko aldez aurreko ezagutzarik eskatu gabe. Prozesu horrek lehiatzeko abantaila handia ematen du.

“Gure Singularity® produktu iraultzaileari esker, finantza-analistek kalkulu-orri sinple bat ireki eta konputagailu kuantiko batean exekutatzen diren algoritmoak zuzenean erabil ditzakete problemak ebazteko, orain arte beren irismenetik kanpo zegoen modu batean, hori guztia programazio-ezagutzarik eta konputazio kuantikoan esperientziarik eskatu gabe”, azaldu du Sam Mugel Ph.D.-ak, Multiverse Computingen kofundatzaile eta zuzendari teknikoak.

Urte honen amaierarako algoritmo kuantikoen nazioarteko 24 patente izatea espero du enpresak, eta datozen urteetan bere patente-zorroa 150etik gora haztea.

Multiverse Computingek konputazio kuantikoan ospetsuak diren bazkide teknologikoekin kolaboratzen du, hala nola: IBM, Microsoft, Xanadu, D-Wave, IonQ, Rigetti, Pasqal, Alpine, Quantum Technologies, Strangeworks, Orca, Amazon AWS eta Fujitsu. Konputazio kuantikoaren potentziala esploratzen duten nazioarteko finantza-erakunde handiekin ere lan egiten du.

Enrique Lizaso Ph.D. eta Multiverse Computingeko kofundatzaile eta CEOaren hitzetan: “Espero dugu 100 milioi euro inguru fakturatzea 2027rako, 100 pertsonako lantaldearekin. Konputazio kuantikoaren arloan enpresa bakarra gara. Beste batzuk konputagailu kuantikoen hardware eta softwarearen oinarrizko osagaiak hobetzean oinarritzen diren bitartean, gu oso zentratuta gaude eskura ditugun gailu kuantiko aurreratuenak aprobetxatzen, finantza-sektoreari epe laburrean balioa eskaintzeko”.

Román Orús, Ph.D., enpresaren kofundatzailea eta zuzendari zientifikoa: “Ezagutzan oinarritutako Multiverse Computing enpresaren arrakastaren funtsezko faktoreetako bat da talentu globala erakartzeko gaitasuna. Gaur egun 10 nazionalitateko taldea dugu, eta asko doktorego-tituludunak dira”.

Multiverse Computing 2019ko martxoan sortu zen Eusko Jaurlaritzaren eta Gipuzkoako Foru Aldundiaren laguntzarekin, Txekintek/Ekintzaile programaren bidez. Gainera, besteak beste, BIC-Gipuzkoa eta Donostia International Physics Centre (DIPC) startup-azeleratzaileen tokiko laguntza du. Startupak nazioarteko erakundeen babesa ere izan du hasieratik, Torontoko Creative Destruction Lab-ena (CDL) esaterako.

  

Multiverse Computingi buruz

Multiverse Computing nazioarteko liderra da finantzetarako konputazio kuantikoan. Egoitza Donostian (Espainian) du, eta Toronton, Parisen eta Munichen filialak ditu.

Multiverse Computingek aurrerapen handiak dakartza finantza-sektorean, ekonomia sendoagoa eta oparoagoa sortzeko.

Konpainiak soluzio kuantikoak eta inspirazio kuantikokoak konbinatzen ditu finantzetan konplexuak diren problema irekiei aurre egiteko, eta gaur egun finantza-erakundeei balioa ematen dieten industriaren erabilera-kasuak arrakastaz frogatzen ditu.

Multiverse Computingen Singularity® plataformak algoritmo patentatuak erabiltzen ditu mundu errealeko finantza-problemak ebazteko, zuzenean kalkulu-orrietatik eta finantza-analistak ohituta dauden beste tresna batzuetatik abiatuta.

Taldeak konputazio tradizional eta kuantikoan duen esperientziari esker, Multiverse Computingek azken gailuak mugara eraman ditzake. Taldeak finantza-problemen ezagutza zabala duenez, bere bezeroen hizkuntza hitz egin eta haien problemak uler ditzakete

info+: www.multiversecomputing.com.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.