Eman izena startupen euskal sarean

Bai, baino… nola?

Gehiago irakurri

MENUA

24/03/23

entrevista

Asier Cenigaonaindia: “Ekintzaile izatea esperientzia zirragarria da”

Asier Cenigaonaindia (Lekeitio, 1984) ingeniari mekanikoa da, eta masterra du ingeniaritza eta fabrikazioan. 2010ean, Tecnalian sartu zen laser bidezko fabrikazio aurreratuko gaietan lan egiteko. Gero, bi urtez joan zen Suitzara, plastiko-soldadurarako laser makinak fabrikatzen dituen enpresa batera, eta Euskadira itzuli zen makina-erremintako enpresa batean lan egitera, I+G arloko proiektuen kudeatzaile gisa. 2018aren amaieran, bere kasa lan egiten jarri zen lankide batzuekin, eta EXOM Engineering sortu zuten. Enpresa BIC Bizkaia Ezkerraldea ekosistemaren parte da.

 

Nola definituko zenuke EXOM Engineering, zer eskaintzen duzue?
Ingeniaritza horrek hiru teknologia biltzen ditu: elektronika, software xurgatua eta soluzioak fotonika industrialaren esparruan, sentsoreak integratzeko eta datuak abiadura handian prozesatzeko soluzioak garatzera bideratuta, fabrikazio-prozesuak kontrolatzeko.

Orain, denbora errealeko monitorizazio-sistemak eta soldadura-prozesuetara egokitutako soluzio optikoak ezartzen ari gara, batez ere laserra, baina ez bakarrik.

 

Nor dira zuen bezero nagusiak?
Mota ezberdinetakoak daude: makina-erremintaren fabrikatzaileak edo soluzio industrialen integratzaileak, baina baita osagaiak fabrikatzen dituzten enpresak ere.

 

Zertan nabarmentzen da EXOM Engineering?
Neurrira egindako soluzioak egiten ditugu, eta, irtenbide integralak garatzen ditugunez, gure bezeroen beharretara oso modu dinamikoan egokitzeko gaitasuna dugu. Era berean, erronkei ezagutza-maila oso sakonean heltzen saiatzen gara, eta, hartara, ikuspuntu desberdinetatik proposa ditzakegu konponbideak.

 

Nondik sortu zen ideia hori?
Sektorea, fabrikazio-prozesu batzuen zailtasunak eta sentsoreen integrazioa ezagutzen ditugu, industria-prozesu batzuen digitalizaziorik eza, eta erronka horiek gure proposamenekin konpondu nahi genituen. Ideia hori sortzen da ekintzaile bakoitzaren esperientziak bateratzean eta erronka industrial horietarako konponbide bateratua bilatzean.

 

Nolakoa izaten ari da ekintzaile izateko esperientzia?
Zirraragarria da, bere gorabeherak ditu. Garai batzuetan gauza gehiegi daude aldi berean, eta beste batzuetan ez hainbeste. Oro har, esperientzia bizia da, eta, egunez egun, porrotetatik eta asmatzeetatik ikasteko aukera ematen dizu.

 

Horrez gain, BICen zaudete. Zer ematen dizue horrek?
Enpresa mailan erosotasun ugari eskaintzen digun lekua da, eta instalazio batzuk beharren arabera erabiltzeko aukera ematen digu. Hemen ditugun zerbitzuak industria-pabiloi batean eduki beharko bagenitu, ez litzateke hain praktikoa izango, eta, agian, horietako batzuk alde batera utzi beharko genituzke. Hemen, 24 orduko harrera, biltegia, kokapen ona eta bisitarientzako aparkalekua ditugu.

 

Zertan sartuta dago orain EXOM, epe ertain eta luzerako helburuak?
Proiektu batzuk ditugu, 10-12 aldi berean, eta konbinazio nahiko parekatua dute industria-proiektuen eta erakunde publikoek kofinantzatutako I+G proiektuen artean. Robotika erabiliz osagaiak detektatzeko proiektuetatik hasi, eta motor elektrikoetarako kobrezko eta aluminiozko soldadura-proiektuetaraino.

Hazten jarraitzea, eta egitura eta lantalde handiagoa egonkortzea. 11 pertsona inguru gara, eta hurrengo 3 urteetan 15 eta 20 artean izatea da asmoa. Enpresa ondo doa, ez gara kexatzen. Gainera, epe ertainera erreferentzia izan nahi dugu eskualdean, fotonika industrialarekin eta ekoizpen-lerroetarako prozesamendu txertatuarekin lotuta.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.