European Data Incubator-en hautatu dute Zylk Industry
Industria 4.0rako Big Datako proiektuetara bideratutako dago inkubazio-programa
Euskal startup-a daZylk Industry EDIren lehen edizioan parte hartuko duten 30 enpresetako batEuropean Data Incubator. Ekimen honen helburua da enpresa handiek proposatutako erronkei erantzungo dieten proiektu berritzaileei laguntzea Big Data erabilita. Programak 3 urteko iraupena du, zenbait fasetan banatua, eta adituen laguntza, inbertsioetarako sarbidea eta proiektu bakoitzeko 100.000 eurora arteko laguntza eskaintzen ditu.
Volkswagen Navarraren erronkari erantzungo dio Zylk Industryk, karrozeria-tailerretako robot industrialetarako mantentze-lan prediktiboa egiteko eredu berrietan oinarritua. Euskal startup-ak Big Datan eta industrian duen jakintza aplikatuko du IRI produktuaren (Industrial Robots Insights) garapenerako. Tresna honen lehen bertsioak aukera ematen du KUKA robotetara eta FANUC gailuetara konektatutako Siemensen edozein PLCtatik datuak irakurtzeko, prozesatzeko eta bistaratzeko. Zylk-ek sortutako sistemak iragarpenak eta alarmak sortuko ditu denbora errealean, plantako lana optimizatzeko; horrez gain, jakintza sortuko du ekipoen errendimendua eta eraginkortasuna hobetzeko.
Inkubazioko lehen faserako hautatua izan ondoren, Zylk Industry Berlinera joango da urriaren 17an eta 18an, datathon batean parte hartzera. Mentoria jasoko dute, enpresa lankideekin elkartuko dira eta haien prototipoak aurkeztuko dituzte. Topaketaren amaieran, epaimahaiak 16 startup hautatuko ditu programaren hurrengo fasean parte hartzeko.
EDI ekimena Europako Horizon 2020 programaren barruko ekimen bat da, eta Europako Batzordeak eta industriako eta hezkuntzako bazkideek sinatutako hitzarmen baten ondorioz sortu zen, Big Datan oinarritutako produktu- eta zerbitzu-belaunaldi berri bat sustatzeko helburuarekin. Proiektuak Europako 20 bazkide ditu.
Zylk Industry startup bat da, Big Datan oinarrituta industriarako kode irekiko irtenbideen garapenean zentratuta dagoena, eta automozioan eta aeronautikaren eta energiaren sektorean aritu da lanean. Eusko Jaurlaritzak eta SPRI taldeak bultzatutako startupen azelerazio-programaren –Bind 4.0ren– lehen edizioan hautatu zuten.
Contenidos relacionados
24/04/2024
noticia
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Nuuk, Syngoi Technologies, Jeremías, Sparber Líneas Marítimas eta Pevasa enpresek jaso dituzte ON Bizkaia sariak, funtsezkoak diren sektoreetan frogatu duten berrikuntza eta lidergoagatik
23/04/2024
noticia
Emen4sport, kirol-arrakazta edonoren eskura I+G+b baten bidez
Bilboko enpresak baliabide onenak erabiliz edozein pertsonaren kirol-errendimendua eta osasuna hobetzeko “metodo paregabea eta berritzailea” garatu du. Gaur egun, hiru proiektu berri eta adimen artifizialeko plataforma bat garatzen ari da.
23/04/2024
noticia
Brandfy, markak diseinatzeko prozesua birdefinitzen duen Adimen Artifizial Sortzaile tresna
25 diseinurako baliabide baino gehiago dituen katalogoa eskaintzen du eta ez du aurrez aurre definitutako diseinu txantiloirik barne hartzen
22/04/2024
noticia
Woza: “BIND aparteko plataforma da startupen hazkunderako eta ikusgarritasunerako”
BIND Govtech-en bidez, Wozak berrikuntza-proiektu bat egin zuen EVE sozietate publikoarekin, eta horrek barne-prozesuak, -estrategiak eta -metodologiak hobetzeko balio izan dio.