BerriUp, hazi nahi duten startupen bila
Deialdi berri bati ekin dio azelerazio-programak
BerriUp azeleratzaileak martxan du jada bere 8. programa, hauei zuzendua: egokitzeko eta nazioartera hedatzeko ahalmen handia duten enpresa sortu berriei. Lau hilabeteko laguntza pertsonalizatua, trebakuntza eta aholkularitza eskaintzen ditu ekimen horrek, bai eta 50.000 euroko hasierako inbertsioa ere BerriUp taldearen eskutik. Azeleratzaile hori ere partaide du euskal ekintzailetzaren ekosistemak, zeina UpEuskadi plataforman biltzen eta plazaratzen baita.
Urtarrilaren 20ra arte dago zabalik deialdia, eta martxoaren hasiera aldera ekingo diote prozesuari hautatzen diren startupek. Hazkunde-potentzial handia duten eta garapenaren hasierako fasean dauden proiektu teknologiko berriei dago zuzendua programa, hots, produktua merkaturatu berria dutenei edo azelerazio-prozesuaren barruan daudenei. Ez da ezinbestekoa taldea enpresa gisa antolatua egotea izena emateko unean, baina bai programari ekitean.
Azelerazioak irauten duen lau hilabeteetan, trebakuntza- eta aholkularitza-prozesu bat eskainiko diete BerriUpeko esperientzia handiko zenbait profesionalek startupei. Enpresa bakoitzak bere mentore-taldea izango du programan zehar laguntzeko, eta BerriUpek Donostian dituen instalazioetan lan-eremu bat erabil dezake. Bestalde, 50.000 euroko hasierako inbertsioa eskaintzen dio azeleratzaileak hautatutako enpresa bakoitzari, akzioen % 10en truke. Azelerazio-programaren kostua 12.000 euro da; beraz, startup bakoitzak 38.000 euro garbi izango ditu erabilgarri.
Aurreko zazpi deialdietan, 21 startupek jo dute BerriUpera. 2015ean sortu zen ekimen hori, eta Euskadiko ekimen pribatuko lehen enpresa-azeleratzailea izan zen. Laguntza ematen diote Orkestra – Lehiakortasunerako Euskal Institutuak, Mondragon Team Academyk, Agedi Ekintzaile Foroak, Onura enpresak, ieteam aholkularitza-bulegoak, Eywa inkubagailuak eta Hasitago komunikazio-agentziak.
Contenidos relacionados
24/04/2024
noticia
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Nuuk, Syngoi Technologies, Jeremías, Sparber Líneas Marítimas eta Pevasa enpresek jaso dituzte ON Bizkaia sariak, funtsezkoak diren sektoreetan frogatu duten berrikuntza eta lidergoagatik
23/04/2024
noticia
Emen4sport, kirol-arrakazta edonoren eskura I+G+b baten bidez
Bilboko enpresak baliabide onenak erabiliz edozein pertsonaren kirol-errendimendua eta osasuna hobetzeko “metodo paregabea eta berritzailea” garatu du. Gaur egun, hiru proiektu berri eta adimen artifizialeko plataforma bat garatzen ari da.
23/04/2024
noticia
Brandfy, markak diseinatzeko prozesua birdefinitzen duen Adimen Artifizial Sortzaile tresna
25 diseinurako baliabide baino gehiago dituen katalogoa eskaintzen du eta ez du aurrez aurre definitutako diseinu txantiloirik barne hartzen
22/04/2024
noticia
Woza: “BIND aparteko plataforma da startupen hazkunderako eta ikusgarritasunerako”
BIND Govtech-en bidez, Wozak berrikuntza-proiektu bat egin zuen EVE sozietate publikoarekin, eta horrek barne-prozesuak, -estrategiak eta -metodologiak hobetzeko balio izan dio.