Eman izena startupen euskal sarean

Bai, baino… nola?

Gehiago irakurri

MENUA

10/01/19

noticia

Enpresa eta erakundeek WORKinn-en aldeko apustua egiten dute, enplegu industrialari buruzko estatuko azoka bakarra

Enplegua, lan-orientazioa, prestakuntza eta ekintzailetza erakusketa honen konstante bat dira, baita euskal enpresa eta erakundeentzat ere. Horregatik, horien dozena batek aurtengo edizioan parte hartuko duela konfirmatu du jada.

Talentua identifikatzea eta enpresei prestakuntza gehien duten profilak eskaintzea da WORKinn-en helburu nagusietako bat. Enplegu industrialari buruzko Estatuko azoka bakarra BEC-en ospatuko da 2019ko ekainaren 5 eta 6an. Enplegua, lan-orientazioa, prestakuntza eta ekintzailetza erakusketa honen konstante bat dira, baita euskal enpresa eta erakundeentzat ere. Horregatik, horien dozena batek aurtengo edizioan parte hartuko duela konfirmatu du jada. Honako hauek dira: AFM Cluster-Advanced Manufacturing Technologies; Makina Erremintaren Inportatzaileen Elkartea (AIMHE); DEMA, enplegu eta ekintzailetza foru agentzia; Bizkaiko Foru Aldundia; Fagor Arrasate; Ferchau Engineering Spain S. L.; Eusko Jaurlaritza, Lanbide-ren eskutik; Grupo Lontana; Grupo Sarralle, Makina-Erremintaren Institutua (IMH), LKS Selección eta Sna Europe Industries Iberia S. A. Gainera, gehienek 2020. urteko azokarako gunea erreserbatu dute eta horrek erakusketa-eredu honenganako konfiantza eta apustua berresten du.

AFM Cluster eta Bilbao Exhibition Centre-k antolatzen dute WORKinn, eta Bizkaiko Foru Aldundiaren eta Eusko Jaurlaritzaren babesa dute. Enpleguaren alorreko foroa da, batez ere sektoreko profesionalei zuzendua, bai lanean ari eta lanpostua aldatu nahi dutenei nahiz langabezian egonda lan-mundura sartu nahi dutenei. Halaber, enpresa, erakunde, unibertsitate, Lanbide Heziketako zentro, garapen-agentzia eta ikasleentzako topagune estrategikoa da, besteak beste, erakusketa-guneaz gain elkarrizketak eta biltzarrak ere burutzen direlako. Topaketa hauetan, parte-hartzaileek zuzenean ezagutzen dute lan-merkatuaren egungo egoera eta haien prestakuntza eta esperientziaren arabera lan-merkatura sartzeko edo lanpostua hobetzeko dituzten aukera egokienak.

Urtero, Enpleguaren Azoka izaera industrialeko beste ekitaldi handi bat ospatzen den bitartean burutzen da; hortaz, sortutako sinergiak benetan onuragarriak dira parte-hartzaileentzat. 2019an, WORKinn-ek zazpi azoka gehiagorekin batera partekatuko ditu guneak: Ferroforma, BeDigital, Subcontratación, FITMAQ, Maintenance, Pumps & Valves eta Addit3d. Guztiak daude erlazionatuta aeronautika, automobilgintza, tren-industria, ontzigintza, hornikuntza industrial, erreminta-industria, sarrailagintza eta finkapen-industriarekin, besteak beste, eta industriarako fabrikazio-prozesu eta horniduren nazioarteko topaketarik handiena osatuko dute.

Aurreko hiru edizioetan zehar, WORKinn 2016 eta 2017. urteetako ehun lanpostu ingurutik zifra hori bikoiztera igaro da, 200 lan-eskaintzekin eta gazteen mugimendu nabarmenarekin (6.500 inguru edizio bakoitzean), gehienak lizentziatu berriak edo LH-ko azken ikasturteetan.

info+: www.bilbaoexhibitioncentre.com

 

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

27/03/2024

noticia

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

26/03/2024

noticia

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

26/03/2024

noticia

Bakarts, artearen NFTen ‘marketplace-a’

Startupak aplikatzen duen teknologia berritzailea artisten eta bildumagileen arteko ondasun digitalen salerosketei segurtasuna bermatzen die

25/03/2024

noticia

Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza

Enpresak SPRI Taldearen adimen artifizialeko programaren dirulaguntza jaso du eta industriarako pieza arinak eta teknologia propioa duten eguzki-panelak ere eskaintzen ditu.