Eman izena startupen euskal sarean

Bai, baino… nola?

Leer más

MENUA

05/02/19

noticia

Arkikus enpresak iraganerako leiho bat ireki du errealitate birtualaren bitartez

 

Bere Santa Catalina aplikazioa finalista izan da Fitur azokaren azken edizioan

 

Monumentu historiko baten aztarnak bisitatzean, ikaragarria izango litzateke aukera izatea denboran bidaiatzeko eta aztarna horiek ikusteko beren distiraren gailurrean zeudenean. Araban kokatutako Arkikus enpresa gazteak sortu dituen aplikazioekin posible da bidaia hori egitea, ondare historikoaren garai bateko irudi errealistak eskaintzen dituelako.

 

“Gure helburua da turistaren esperientzia hobetzea” azaldu du Arkikus enpresaren fundatzaileetako bat den Iker Ordoño arkitektoak. Hiru arkitektok eta arkeologo batek osatzen dute lantaldea, zeintzuek aplikazio bat sortu baitute elkarrekin uztartuz 3D modeloei, arkitekturari eta ondareari buruz dituzten ezagutzak, eta aplikazio horrek errealitate birtualeko teknologiak erabiltzen ditu monumentu historikoak berreraikitzeko. Startup hori 2018an sortu zen eta oraingoz bi aplikazio garatu ditu sakelakoetarako eta errealitate birtualeko betaurrekoetarako.

 

Lehenengoak Santa Catalina du izena eta Gasteizko kanpoaldean dagoen komentu zaharrari buruzko edukiak eskaintzen ditu. Pantaila baten bitartez, bisitariak atzera egingo du XIV. menderaino, Arabako familia noble baten dorretxea zen garairaino, eta baita ere XVI. menderaino, klaustroaren, elizaren eta koroaren benetako itxura ikusteko.  3D berreraikuntzez gain, aplikazioak audio eta testuzko azalpenak ematen ditu turista gidatzeko. “Aplikazioak abantaila bat eskaintzen die ondarearen kudeatzaileei, ez baitute behar dispositibo propiorik” dio Iker Ordoñok, “gainera, espazioa zabaltzen du turista mota berriak erakartzeko”. Aplikazio hori, zeina dohainik baitago eskuragarri Android eta iOS sistema eragileetarako, finalista izan zen Fitur-Turismoaren Nazioarteko Azokan antolatutako The App Tourism Awards 2019 sariketan.

 

Vitoria-Gasteiz 1850 da enpresaren proiektu berriena, erabiltzaileak beste garai batera eramaten dituen aplikazio bat, garai bat non Arabako hiriburuan zutik baitzeuden Erdi Aroko harresiak eta hirira sartzeko ateak. Gida horrek ibilbide bat eskaintzen du, hasi Ama Birjin Zuriaren plazatik eta San Migel elizako balkoi jarraitutik eta Montehermoso Jauregiraino, erakusteko nolakoa zen hiria modernizatzen hasi aurretik. Gasteizko Udalak enkargatu zion proiektua eta ia 2.000 deskarga lortu zituen merkaturatu zuten asteburuan bertan.

 

“Fotogrametria erabiliz, aztarnen egungo egoera neurtzen dugu eta 3Dn eskaneatu. Ikuspegi desberdinetako argazkietatik abiatuta, egungo ingurunearen 3D eredu oso zehatza lor dezakegu” azaldu du arkitektoak, “gero, eraikina modelatzen dugu jatorrizko egoeran, azterketa arkeologikoetan oinarritutako dokumentazio-lanetatik abiatuta”. Binary Soul enpresa bizkaitarrarekin kolaboratu dute aplikazioak programatzeko.

 

Arkikus-ek UPMko enpresa teknologikoen hazkuntza-programako startup onenaren izendapena jaso zuen 2016an eta 2018an merkatuan sartu zen BIC-Araba zentroaren bidez garatutako Eusko Jaurlaritzaren Ekintzaile programari esker.

 

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

16/04/19

entrevista

BioDTek, “osasunaren zerbitzurako zientzia”

BioDTek kirola egiteko orduan ditugun arriskuak saihesteko biosentsoreak garatzen diarduen Startupa da. “Kirola egitean, ardura bakarra lehiatzea edota gozatzea izateko lan egiten dugu. Horretarako, seinale biologiko konplexuak informazio sinple, garrantzitsu eta zehatz bihurtzen ditugu”.

15/04/19

noticia

“F2P Campus Academy” izeneko formatu berri bat sortuko da, bideojokoen etorkizuneko tokiko sortzaileen bokazioak sustatzeko

 Gasteizko F2P Campusaren bigarren edizioan “F2P Campus Academy” izeneko formatu berri bat sortuko da, bideojokoen etorkizuneko tokiko sortzaileen bokazioak sustatzeko

15/04/19

noticia

Habiadan, lankidetza-ekintzailetza ekimena Oarsoaldean

Oarsoaldea Garapen Agentziak Habian! lankidetza-ekintzailetzarako haztegiaren bitartez, eskualdean lankidetza-ekintzailetza sustatzeko asmoz, Habiadan ekimena sustatzen du.

15/04/19

noticia

ELKARGI, BIC Bizkaia Ezlkerraldearen XX Casual Friday Meeting ekitaldiaren protagonista

Elkargiren Bizkaiko arduradun komertziala den David Bilbaok eta BIC Bizkaia Ezkerraldeako zuzendari kudeatzailea den Iñaki Calvok Elkargik enpresen finantziaziorako duen balioa nabarmendu dute.