BINDek industriaren azken berrikuntza teknologikoak aurkeztuko ditu Demo Day 2024an, datorren ekainaren 27an
![](https://www.spri.eus/archivos/2024/05/png/demoday_eu_spri.png)
- Berrikuntza irekiaren aldeko urteroko hitzorduak 500 lagunetik gora bilduko ditu Bilboko Euskalduna Jauregian.
- Industria adimendunaren plataformaren ekimenetan parte hartzen duten startupek garatutako 30 proiektu disruptibo baino gehiago aurkeztuko dira aurten.
- Ekitaldian, Carlota Mateosek, ameslari, ekintzaile eta Rusticae-ren sortzaileak, hitzaldia emango du.
BIND Industria Adimenduneko berrikuntza irekiko plataformak Demo Day 2024 urteroko ekitaldia egingo du datorren ekainaren 27an, Bilboko Euskalduna jauregian. Edizio honen ezaugarri nagusia Euskadiko industriaren eta sozietate publikoen etorkizuna markatzen ari diren soluzio teknologikoen protagonismoa da. Topaketan, BINDen ekimenetan parte hartu duten 25 startup baino gehiagok enpresa handiekin, ETEekin eta sozietate publikoekin lankidetzan garatutako 30 proiektu disruptibo baino gehiago aurkeztuko dira.
Zortzi edizioren ondoren, BIND Demo Day erreferentziazko ekitaldi bihurtu da startupentzat, berrikuntzan adituentzat, inbertitzaileentzat eta ekintzailetza eta berrikuntzako eragileentzat, urtero 500 parte-hartzaile inguru biltzen baititu. Azken topaketa honetan, berrikuntza-proiektu errealetan arrakastaz aplikatzen ari diren teknologiak aurkeztuko dira, enpresen, ETEen eta sozietate publikoen eraldaketa digitala bizkortzeko. Zehazki, BINDen hiru ekimenetako bat BIND GovTech da, sozietate publikoak startup disruptiboekin konektatzera zuzendua. Bi ediziotan parte-hartze handia izan ondoren, aurten saio paralelo bat izango du, ekosistemaren azken joerak eta arrakasta-kasuak aurkezteko.
BIND Demo Day 8. edizio honetan, gainera, Carlota Mateosek parte hartuko du, Rusticaeren sortzaile, mentore eta ekintzailetzan erreferenteak; hizlari nagusia izango da bera, berrikuntzari, digitalizazioaren erronkei eta ekintzailetzari buruzko topaketa honetan. Bestetik, networking jardunaldi bat eskainiko da Euskadiko ekintzailetzaren eta berrikuntzaren funtsezko eragileekin.
BIND Eusko Jaurlaritzak eta Ekonomiaren Garapen, Jasangarritasun eta Ingurumen Sailak SPRI Taldearen bitartez sortutako berrikuntza ireki publiko-pribatuko plataforma da. Startup disruptiboak enpresa handiekin, ETEekin eta sozietate publikoekin konektatzea du helburu, hiru ekimenekin: BIND, BIND SME eta GovTech. 2016an jarduera hasi zuenetik, 230 startup baino gehiago azeleratu dira eta 320 proiektu baino gehiago garatu dira, 9 milioi euroko fakturazioa gaindituz. Plataforma erreferente bihurtu da sektorean, industriaren eta enpresa-ehunaren digitalizazioari emandako laguntzagatik.
Demo Dayn ikusgai dauden proiektuak
Demo Dayra bertaratzen direnek zuzenean ezagutu ahal izango dituzte BIND plataformak bultzatutako berrikuntza irekiko azken proiektu arrakastatsuak, besteak beste, ahots-laguntzaile berriak manufaktura-prozesuetan kalitatea kontrolatzeko; adimen artifizial generatiboko softwareak teknikarien lana arintzeko, eta kudeaketa-sistema termiko adimendunak produkzioan.
Ekitaldian erakutsiko diren 30 arrakasta-kasu baino gehiagok teknologia disruptiboak erabiltzen dituzte, besteak beste, adimen artifiziala, IoT, teknologia murgiltzaileak, zibersegurtasuna eta robotika, eta erreferentziazko enpresek bermatzen dituzte, tartean Mercedez-Benz, Tubos Reunidos, Orona, RPK, ArcelorMittal, Eika, Betsaide eta Uvescok.
Gainera, GovTechi eskainitako jardunaldi paraleloan, startupek euskal sozietate publikoekin lankidetzan garatutako 9 arrakasta-kasu gehiago azalduko dira. Horien helburua sektore publikoaren digitalizazioa bultzatzea da, teknologia berritzaileak erabiliz, esaterako, big data, adimen artifiziala eta zibersegurtasuna.
25 startup erakusketari baino gehiago Demo Day 2024an
Ekitaldiak erakusketa-espazio fisiko bat izango du startupentzat, non BINDen azken edizioko 28 parte-hartzaileek beren berrikuntza teknologikoak erakutsiko dituzten. Aurten, hauek dira erakusketariak:
- 4i Intelligent Insights
- 51toCarbonZero
- Acceleration Robotics
- Advanced Algorithms 4 Radar
- Aunoa
- Automaise
- Birziplastik
- Data Value Management
- Decidata
- Detektia
- D&A Innovative Systems
- Goldilock
- Gundo
- Hedro Sistemas Inteligentes
- Infinite Foundry
- Kernova
- Eatamigo
- Liight
- Nawattia
- Orbik Cybersecurity
- Perseus Cybersecurity Services
- Recog Analytics
- Safeloc Systems
- Uali
- Uktena
- Visionaries777
- We are clickers
- Woza
Gainera, BIND GovTech-en 2. edizioan finalista diren 9 startupek beren soluzioak erakutsiko dute saio paraleloan.
Zergatik joan Demo Day 2024ra?
BIND plataformaren urteko ekitaldiak aukera ematen du euskal ekosistema industrialarekin eta berrikuntzakoarekin aurrez aurre konektatzeko eta enpresa handiak, ETEak eta sozietate publikoak eraldaketa digitala bizkortzeko erabiltzen ari diren azken soluzioei buruz ikasteko. Enpresa eta inbertitzaileentzat, industrian dagoeneko frogatuta dauden teknologia berriak aurkitzeko ezinbesteko hitzordua da. Eta azken belaunaldiko startupentzat, funtsezko topaketa da BINDen berrikuntza irekiko ekimenetan parte hartzeak dituen abantailak ezagutzeko eta BINDen ekosistemako kide diren 100 Venture Clientsekin konektatzeko, nazioartean ezaguna den plataforma bat.
BIND Demo Day 2024
Ekainak 27, 2024
9:00 - 15:00
Euskalduna Jauregia, Bilbo
Contenidos relacionados
28/06/2024
noticia
VS Decok zure etxebizitza diseinu fotorrealista batean bihurtzen du
Adimen artifizialeko teknologiaren bidez, etxebizitza barne-diseinurako aukera amaigabeak eskaintzen dizkie jabeei, bezeroei eta erosle potentzialei
28/06/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
27/06/2024
noticia
AI, IoT eta Robotika, industria eraginkor eta jasangarriago baterako startupen eta BINDeko enpresa liderren lankidetzarekin
BIND Demo Day ekitaldiaren ondoren (400 pertsona baino gehiago bertaratu dira), 9. deialdia egin da, sektoreko 12 erronkari erantzuteko gai diren teknologiak dituzten startupentzat, eta irailaren 6ra arte egongo da zabalik.
26/06/2024
noticia
Mondragon Unibertsitateak proiektu teknologiko jasangarriak sustatuko ditu beka bitartez
Mondragon Unibertsitateko Goi Eskolak ideia berritzaile, teknologiko eta jasangarriak saritu ditu, «Industrial Sustainable Entrepreneurship Awards» lehiaketaren edizio honetan aurkeztutako 32 startupen artean.