Ekintzailetza, garapen pertsonala, konexio eta berrikuntza soziala: U.Lab 2024
Badator U.Lab ikastaroaren 10. edizioa; U Teoriaren bidez (Otto Scharmer) ekintzailetasuna, garapen pertsonala, konexio eta berrikuntza soziala landuko ditugu prozesu honetan.
U.Lab-en taldean lan egingo dugu proiektu berriak garatzeko, ekimenak sustatzeko eta parte hartzaileen arteko inspirazio eta kosorkuntza pizteko.
Formakuntza irailaren 25ean hasiko da modu presentzialean, Impact Hub Donostian (Tabakaleran), sorturiko ikasketa eta praktika komunitatean. Doako ikastaroa da eta gainera, online formakuntzarekin osatzeko aukera izango dugu.
Ikasketa eta praktika komunitate honek bi sesio mota izango ditu: alde batetik, ikasketa aktiborako saioak izango ditugu, egutegiak adierazten dituen asteazkenetan (ikus egutegia), 17:00etatik 19:00etara; eta beste alde batetik, laborategi eta praktika saioakeskainiko dira, parte hartzaileek ikasitakoak lehen pertsonan ezagutzeko eta esperimentatzeko aukera izan dezaten.
Ez galdu eraldaketa pertsonal eta profesionala bizitzeko aukera hau. Irailaren 18an aurkezpen online saio bat izango dugu eta irailaren 25ean ikastaroari hasiera emango diogu Impact Hub Donostian.
Bazatoz U Teoria bizitzera?
Zer da?
U Teoria Otto Scharmer-ek garatu zuen Massachusetts Institute of Technology (MIT) zentroan. Teoria honek jakinahiarekin, gupidarekin eta adorearekin dugun konexioa sustatzen duen prozesuan barneratzen gaitu. Helburua, alde batetik, taldeetan, erakundeetan eta gizarte osoan dauden arazoetan sakontzea da eta, bestetik, norberak arazo horiek konpontzeko dituen gaitasun eta zaletasunetan sakontzea.
2015etik, urtero irailetik abendura, Bostoneko Presencing Institutezentroak online kurtsoa eskaintzen du: U.Lab: Leading From the Emerging Future . Sorreratik, Impact Hub Donostiak ikastaro honekin osatzen du U.Lab ikasketa eta praktika laborategia.
Gainera, Impact Hub Donostiak U Kaxa sortu eta partekatu du, lanerako kit hezitzaile eta praktikoa, U teoriaren ibilbidea garatzeko askotariko baliabide erabilgarriekin. Ezagutu U Kaxa eta deskargatu baliabideak hemen.
Contenidos relacionados
15/09/2024
noticia
Bisuala estudioak ‘Matchday Champions’ garapenean lankidetzan ari da, FIFPro lizentzia eta Messi eta Alexia Putellasen babesa duen mugikorrentzako bideojokoa
‘Matchday Champions’ mugikorrentzako bideojokoa bat da, futbolaren emozioa eta benetakotasuna gailu mugikorretara eramateko diseinatua dagoena.
13/09/2024
noticia
BBK network session berriak, Bizkaian eragin-ekintzailetza sustatzeko
BBK da Bizkaiko lurraldeko ekonomia sustatzen laguntzen duen erakundea, inguruko enpresetan egiten duen inbertsio-jardueraren bidez. Sortutako diru-sarrerekin, Estatuko lehen Gizarte Ekintza gauzatzen du biztanleko, eta bigarrena tamainaren arabera.
12/09/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
12/09/2024
noticia
Kaixo ComunESS: “Mundua aldatzeko ausartu egin behar da!”
Ekitaldia urriaren 4tik 6rako asteburuan izango da.