Eman izena startupen euskal sarean

Bai, baino… nola?

Leer más

MENUA

23/03/19

noticia

Horrela sortzen, erakartzen eta atxikitzen dute talentua Arabako startupek

Ekintzailetzaren astea, horrela laburbil daiteke Europako Batzordeak beste urte batez sustatu duen #SEW19. 250 hiri eta 500 ekitaldi baino gehiago, ekintzaileek eskainitakoak eta ekintzaileentzat pentsatutakoak. Araba Ekinean ekimenean ez dugu atzean geratu nahi izan eta gure ekarpen txikia egin dugu talentu ekintzaileari eta talentu ekintzailearentzat eskainitako ekitaldi batekin.

Jardunaldian, bertaratu zirenek lehen eskutik ezagutu ahal izan zituzten Made in Araba esperientziak talentua sortzeko, erakartzeko eta atxikitzeko orduan. Balio diferentzial nagusia Startup arrakastatsu bat sortzeko garaian.

Hasi bezain laster lehen eskutik ezagutu ahal izan genuen ON4Y enpresak lan-baldintza onenak sortzen saiatzeko eta enpresako albait langile gehien inplikatzeko erabiltzen duen filosofia. “Gure zeregina enpresa errentagarri bat sortzea da, bertan lan egitea gustagarria izateko moduan”, adierazi zuen Ángel Villak. “Eskaini ditzakegun soldatarik onenak ditugu; ordutegi malguak, guretzat pentsatutako bulego bat, urrunetik lan egiteko aukera eskaintzen dugu, gardentasuna, prestakuntza… Guztia enpresan dugun talentua zaindu eta kanpoan dagoena erakartzeko.

Villaren aurkezpenaren ondoren, beste hainbat parte-hartzaileren txanda izan zen, hala nola Yoana Arambalza (Back to Araba), Asier Urzelai (CIC Energigune), Arantza Beitia (EHU/UPV), Jon Beltrán de Heredia (F2P Campus) eta Mikel Serrano (Invest in the Basque Country), eta guztiek ere beren estrategiak eta esperientziak partekatu zituzten talentua erakartzeko garaian.

Egiten dugun horretan oso onak izatearen ondorioz jendeak gurekin lan egitera etorri nahi du”, adierazi zuen Asier Urzelaik. Bestalde, F2P Campus ekitaldiaren esperientzia arrakastatsua partekatu zuen Jon Beltrán de Herediak: “Campus azeleratzaile bat muntatu genuen, non hiru hilabetean industriaren aditu handienek mundu osoko hiru lantalde mentorizatu zituzten. Bideojokoen garapenaren munduko hiriburua bihurtu zen Gasteiz.

Azkenik, baina ez garrantziari dagokionez beste guztien atzetik, Víctor Mayoral (Acutronic), Gorka Puente (Comalatech), Eneritz Zubizarreta (Globe Testing), Manu Muñoz (I+med) eta Mikel Díaz de Arcaya (Jakincode) eszenatokira igo ziren talentua atxikitzeko moduei buruz gogoeta egiteko.

Díaz de Arcayak argi utzi zuenez, “talentua atxikitzea ez da diru-kontua soilik. Behin nahikoa irabazten duzunean, beste faktore batzuk hasten dira garrantzitsu bihurtzen”. Gainera, Gorka Puentek adierazi zuenez, “zure enpresako talentua atxikitzeko modu bakarra dirua bada, zertxobait gehiago ordaintzen dion inor iristearekin soilik, langilea joan egingo da”. Egia esan, Eneritz Zubizarretak adierazi zuen bezala, “talentua atxikitzea Enrique Iglesiasen abestia bezala da neurri batean; si tu me das yo también te doy”.

Gainera, hainbat erakundek –hala nola Gasteizko Udalak, Arabako Foru Aldundiak, SPRIk eta Europar Batasunak– pertsona ekintzaileen eskueran jartzeko dituzten baliabide eta laguntzak ezagutzeko aukera izan genuen ekitaldian. Araba Ekienean ekimenean antolatu ditugun ekintzailetzarekin lotutako ekitaldiez betetako egutegia gogoratzeko denbora ere izan genuen.

Eskerrik asko Arabako Foru Aldundiari, Gasteizko Udalari, BIC Arabari eta Vital Fundazioari ekintzailetzari ematen dioten babes ezin baliotsuagoarengatik, eta SEW Vitoria-Gasteiz 2019: Startups & Talent bezalako ekitaldiak posible egiteagatik.

+info: www.AlavaEmprende.com

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

16/04/19

entrevista

BioDTek, “osasunaren zerbitzurako zientzia”

BioDTek kirola egiteko orduan ditugun arriskuak saihesteko biosentsoreak garatzen diarduen Startupa da. “Kirola egitean, ardura bakarra lehiatzea edota gozatzea izateko lan egiten dugu. Horretarako, seinale biologiko konplexuak informazio sinple, garrantzitsu eta zehatz bihurtzen ditugu”.

15/04/19

noticia

“F2P Campus Academy” izeneko formatu berri bat sortuko da, bideojokoen etorkizuneko tokiko sortzaileen bokazioak sustatzeko

 Gasteizko F2P Campusaren bigarren edizioan “F2P Campus Academy” izeneko formatu berri bat sortuko da, bideojokoen etorkizuneko tokiko sortzaileen bokazioak sustatzeko

15/04/19

noticia

Habiadan, lankidetza-ekintzailetza ekimena Oarsoaldean

Oarsoaldea Garapen Agentziak Habian! lankidetza-ekintzailetzarako haztegiaren bitartez, eskualdean lankidetza-ekintzailetza sustatzeko asmoz, Habiadan ekimena sustatzen du.

15/04/19

noticia

ELKARGI, BIC Bizkaia Ezlkerraldearen XX Casual Friday Meeting ekitaldiaren protagonista

Elkargiren Bizkaiko arduradun komertziala den David Bilbaok eta BIC Bizkaia Ezkerraldeako zuzendari kudeatzailea den Iñaki Calvok Elkargik enpresen finantziaziorako duen balioa nabarmendu dute.