Eman izena startupen euskal sarean

Bai, baino… nola?

Leer más

MENUA

04/09/19

noticia

Oroi, adineko pertsonentzako errealitate birtualeko Netflixa

Euskal startup-aren edukiak hainbat egoitza eta laguntza-zentrotan erabiltzen dira dagoeneko

 

Globoan bidaiatzea, Paris bisitatzea edo haurtzaroko gure herriko kaleetan zehar ibiltzea dira, besteak beste, Oroik eskaintzen dituen esperientzietako batzuk. Plataforma horrek errealitate birtualeko edukiak eskaintzen ditu, adineko pertsonentzat bereziki pentsatuta daudenak. Enpresa gipuzkoar hau B-Venture ekitaldian izango da beste 24 startup-ekin batera. Ekintzailetzari zuzendutako ekitaldi horrek Eusko Jaurlaritzako Ekonomiaren Garapen eta Azpiegitura Sailaren eta SPRI Taldearen babesa dauka.

 

“Bezeroek euren bizipenekin, lanbideekin eta ezagutu dituzten tokiekin lotutako edukiak dituzte gustukoen” azaldu du Jorge Maylin-ek, Iñaki Arambururekin batera Oroi enpresaren sortzailekidea denak, “baina atzerriko hiriak bisitatzeak ere ilusio handia egiten die, batez ere gaztetan bidaiatzeko aukerarik izan ez dutenei”.

 

Errealitate birtualeko teknologiak erabiliz, adineko pertsonei mota horretako esperientziak bizitzeko aukera ematen zaie, bereziki ,muga fisikoak edo kognitiboak dituztenei. Oroi plataformak bi eduki mota eskaintzen ditu, entretenimendurako esperientziak, ongizate emozionala sortzera zuzenduta daudenak, eta gaitasun kognitiboak lantzeko ariketa interaktiboak. Azken horiek eguneroko egoerak birsortzen dituzte: supermerkatura erosketak egitera joatea edo errezeta bat prestatzea, esate baterako. Gainera, memoria, arreta eta bizkortasun mentala estimulatzeko tresna gisa funtzionatzen dute.

 

Donostiako eta Santanderreko bi egoitzatan hasi ziren euren edukiak probatzen, eta oso emaitza onak izan zituzten, bai profesionalen aldetik, bai erabiltzaileen eta senideen aldetik. Horrek proiektua aurrera eramatera animatu zituen. Matia Fundazioak egin duen ikerketa baten bidez, teknologia honek eskaintzen dituen onurak balioztatu dituzte; bereziki, muga kognitiboak dituzten erabiltzaileei dagokienez. “Beren baitan bilduago dauden pertsonei emozioak aktibatzen eta memoria autobiografikoa indartzen laguntzen die, eta antsietate-uneetan edo urduri daudenean lasaitzen laguntzen die” esan du startupeko sortzailekideak.

 

B2B irtenbide gisa aurkezten du bere burua Oroik: egoitzei eta adineko pertsonei laguntza emateko enpresei zuzentzen zaie, plataforman izena emateko sistema gisa, gailuak alokatzeko aukera ere ematen duena. Gaur egun, estatuko hainbat egoitzatan aurki dezakegu; gainera, DomusVi, Caser Residencial eta Matia Fundazioa bezalako zentroekin batera lan egiten dute. Startup hau 2018. urtearen hasieran sortu zen Eywa Space inkubagailuan. Martxan jartzeko, Spri Taldearen babesa izan zuen BIC Gipuzkoaren bitartez eta Ekintzaile Txekintek laguntza-programaren bidez. Donostiako Sustapenaren laguntza ere jaso du.

 

UpEuskadi Spri Taldeak sustatutako Euskal Ekintzailetza Ekosistemaren plataforma da. Sare horrek ikusgaitasuna eta euren burua sustatzeko aukerak eskaintzen dizkie euskal startup-ei; era berean, enpresa-proiektu berria hazten laguntzeko tresnak ere eskaintzen ditu.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

24/02/20

noticia

Adimen artifiziala, mintzamena eta hizkuntzaren patologiak zuzentzeko (eta birgaitzeko)…

Bilboko lau ekintzailek online aplikazio informatiko berritzaile bat garatu dute -Rehabla deiturikoa-, mintzamenarekin edo hizkuntzarekin lotutako zailtasunak edo patologiak dituzten pazienteak, adingabeak edo helduak, banaka errehabilitatzeko aukera ematen duena.

23/02/20

noticia

Patente aditua enpresan kurtsoa: Hamargarren edizioa

Zure organizazioan nola edo hala eta asmatzaileek erakutsitako interesaren arabera kudeatzen dira patenteak?

21/02/20

noticia

Beste albiste batzuk ekintzaileentzat. Asteko laburpena. Otsailaren 17tik, 21rako astea

Wake up!. Asteko laburpena. Otsailaren 17tik, 21rako astea

20/02/20

entrevista

Aitor Alvarez, ‘Basq Company’: “Birziklatutako materialak bakarrik erabiltzea ez da burutazio huts bat”

'Basq Company' ilusio baten fruitu bezala jaio zen; surfarekiko grina, moda eta ingurumenarekiko errespetua uztartzea du helburu: Aitor Alvarezek planetarekin eta ozeanoarekin jasangarrienak eta konprometituenak diren oinetakoak sortzearen ideiarekin hasi zen.