Bilbok bere lehen nazioarteko Quantum Computing Hackathon-a ospatuko du

Abenduaren 9tik 10era teknologia prototipoen garapena eta enpresen erronkekin esperimentatzeko bultzatuko duen lehiaketa izango da Bizkaiko hiriburuan

Konputazio kuantikoa azken hamarkadetako iraultza teknologiko handienetako bat izatera deituta dago. Adituek, ordenagailuen garapenaren hurrengo fasetzat jotzen dute eta gaur egun ordenagailuentzat ezinezkoak diren arazoak konpontzeko lagunduko dien teknologia izango dela diote. Gero eta sektore asko ari dira teknologia hori erabiltzen saiatzen direnak, hara nola; Osasuna, Logistika edo Finantzak, besteak beste. Hauek, azken belaunaldiko teknologia horren alde apostu finkoa egiten ari dira.

Euskadi teknologia disruptibo honetan erreferentziazko eskualde gisa sustatzeko asmoz, Bilbok gure lurraldeko lehen nazioarteko Hackathon-a hartuko du abenduaren 9tik 10era bitartean. Ekitaldi honi esker, denbora-tarte labur baina bizi batean, teknologia prototipoen garapena eta enpresen benetako erronkekin esperimentatzea erraztuko duen eszenatokia posible izango da. Euskal Herriko Unibertsitateko QUTIS Ikerketa Taldeak, IBM eta INNOLAB antolatuta, konputazio kuantikoaren industriako zientzialari eta aditu onenen aholkularitza jasotzeko aukera paregabea izango da lehiakideentzat.

Bi jardunaldi hauen egitarauari dagokionez, astelehenean ekingo zaio jardunaldiari, lehiaketari buruzko sarrera batekin, antolatzaileen eta babesleen aurkezpenarekin, eta ekitaldiaren arauen azalpenarekin. Geroxeago, hackathonaren erronkak aurkezteko eta taldeak sortzeko txanda iritsiko da. Lehen jardunaldia Coding! Saio interesgarri batekin amaituko da.

Lehiaketaren hurrengo eta azken eguna Coding! -ren beste saio batekin hasiko da. Ondoren, parte hartzen duten taldeek proposatutako konponbideak aurkeztuko dira. Osagarri gisa, teknologia azoka bat ere izango da (Quantum Games partaidetzarekin eta Fun Activities-ekin), eta nola ez, parte-hartzaile guztien arteko bazkaria ere. Hackathona sari banaketarekin eta ekitaldiaren amaierarekin amaituko da.

+info y REGISTRO