Eman izena startupen euskal sarean

Bai, baino… nola?

Leer más

MENUA

07/12/19

noticia

Multiverse Computing-ek jaso du enpresa proiektu onenaren XIX. Manuel Laborde saria. Polykey proiektua, bigarrena

Manuel Laborde Werlinden Sarien XIX. edizioan, Multiverse Computing eta Polykey aukeratu dituzte aurkeztutako zortzi hautagairen artean. Gipuzkoako lurraldeko ekonomia garatzeko hazkuntza adimendunaren estrategiarekin lotutako sektoreetakoak izan dira proiektuak, besteak beste arlo hauetakoak: ekonomia zirkularra, kimika berdea, 4.0 industria, hirigintza soziala eta EIKT teknologiak.

Multiverse Computing-ek jaso du Manuel Laborde Werlinden lehen saria. Enpresaren helburu nagusia da deep-tech arloko munduko konpainia nagusi bihurtzea, eta proposamenaren ardatza da teknologia kuantikoak aplikatzea finantza arloan eta, aurrerago, beste berrikuntza merkatu batzuetan.

Román Orús, Enrique Lizaso, Samuel Muller eta Alfonso Rubiok sustatutako enpresa honek 7.000 euroko dirulaguntza jaso du proiektua gauzatzeko, baita BIC Gipuzkoaren laguntza eta aholkularitza ere. Epaimahaiaren iritziz, “esperientzia bikaina da ezagutza zientifikoa merkatura transferitzeko”.

Bigarren saria Polykey enpresarentzat izan da. ‘Ekonomia zirkularreko’ enpresa proiektu bat aurkeztu dute, UPV/EHUko ikerketa talde baten know-how espezifiko batetik abiatutakoa. Proiektu honek oinarri teknologiko sendoa du, eta prozesu kimiko berritzaileak egiten ditu hondakin plastikoetatik balio erantsia duten proiektuak lortzeko.

David Mecerreyes, Haritz Sardón eta Andere Basterrechea dira proiektuaren egileak, eta bigarren saria irabazteagatik 3.000 euro eta BIC Gipuzkoaren laguntza eta aholkularitza jaso dute proiektua gauzatzeko.

Proiektu irabazleak aukeratu dituen epaimahaiak beharrezkotzat jo du aipamen berezi bat egitea Mepro enpresari, “ikerketa taldeak enpresa sustapen talde batean izan duen bilakaeragatik; izan ere, bi urteko epean egitasmoaren balio proposamena definitu du eta finantzaketa publiko zein pribatua lortu du egitasmoa bideratu ahal izateko”. Enpresak espermaren hautaketarako metodo molekular bat garatu du, eta horrek areagotu egiten ditu laguntza bidezko ugalketan ari diren bikoteek haurdun gelditzea lortzeko aukerak.

Era berean, epaimahaiaren iritziz, proiektuen kalitateak egiaztatu egiten du “UPV/EHUk garrantzi handia duela Gipuzkoako eta Euskal Herriko ekosisteman funtsezko eragile gisa balio erantsi handia duten enpresa proiektu berritzaileak garatzeko”.

Manuel Laborde Werlinden Sariak UPV/EHUko Gipuzkoako Campusak eta Bic Gipuzkoa Enpresen eta Berrikuntzaren Europako Zentroak lantzen eta kudeatzen duten Entreprenari programaren barruan antolatzen dira, ekintzaileak sustatzeko, aholkatzeko eta babesteko, eta UPV/EHUko Gipuzkoako Campusean enpresa berritzaileak sortzeko.

Sariketan parte har dezakete: UPV/EHUko irakasle eta ikertzaileek; UPV/EHUrekin lankidetzan egindako ikerketa baten emaitzak ustiatzea eta enpresa berri bat sortzea erabakitzen duten enpresek; eta UPV/EHUko tituludunek, graduondoa dutenek edo azken ikasturteko ikasleek.

Guztira zortzi proiektu aurkeztu ziren ideia berritzaile batean oinarritutako enpresa proiektu onenaren saria jasotzeko. Aurten, sari banaketaren ekitaldia UPV/EHUko Ekintzailetzaren I. Kongresuan egin da, eta bertan Euskal Herriko ekintzailetza ekosistemako eragile eta protagonista ugari bildu dira, hain zuzen ere unibertsitateek ekintzailetza prozesuetan duten garrantzia aztertzeko eta azpimarratzeko.

+info: www.entreprenari.com

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

23/01/20

entrevista

Tagenea-k etiketa adimendunen belaunaldi berri bat garatu du retail eta logistika sektoreetarako

Elektronika malguan oinarrituriko pantailadun etiketa hauek aukera ematen dute beren informazioa denbora errealean eguneratzeko

22/01/20

noticia

Bizipoz eta Saiolanek elkarrekin lan egingo dute langilen bizi-kalitatea hobetzeko

Bizipoz 2015ean sortutako kooperatiba da. Beatriz Santamaríaren eta Eider Etxebarriaren hausnarketen ondoriozko ideia batetik abiatuta sortu zen.

22/01/20

noticia

Sprilur-ek eta Erandioko Udalak akordio bat lortu dute laguntza emateko Axpe industrialdean coworking ereduan lan egin nahi duten ekimen ekintzaileei

Erandioko Coworking Axpe epe mugatuko alternatiba bat da udalerrian sortzen diren ekimen, ekintzaile eta lankidetza-proiektuentzat. Baditu instalaziodun espazioak eta lokal indibidual edo partekatuak, beraizik prestatuak jarduera bat hasteko alokairu erregimenean.

21/01/20

noticia

Araba Ekinean ekimenak aurkeztu du 2020an ekintzailetza bultzatzeko jardueren egutegia

Araba Ekinean ekimenaren 2020ko edizioak arreta jarri nahi du ekintzaileek planetako arazoak konpontzeko duten ahalmen disruptiboan, eta bere ideia-lehiaketa sendotu du, 9 kategoriarekin eta guztira 10.000 eurotik gorako balioa duten sariekin.