Eman izena startupen euskal sarean

Bai, baino… nola?

Leer más

MENUA

11/02/20

noticia

Data Value-k sistema prediktibo bihurtzen ditu datuak, erabaki hobeak hartzeko

Euskal startup-ak Bind 4.0 azeleragailuaren 4. edizioan parte hartuko du

Datuek, berez, ez dute balio handirik, baina aztertu eta prozesatzen badira, oso informazio baliagarria eman dezakete prozesu industrialak hobetzeko, eskaerari aurrea hartzeko edo bezeroei buruzko ezagutza hobetzeko. Horixe da BIC Araban kokatutako Data Value Management enpresa gaztearen helburua.

 

Data Value Management aholkularitza bat da, enpresentzako big dataren analisi tekniken inplementazioan espezializatua dagoena. Bere zerbitzuak hiru arlotara bideratzen dira gehienbat: ezagutza sortzea datuak eraldatuz, prozesuak automatizatzea eta sistema prediktiboak sortzea gertatuko denari aurrea hartzeko. Borja Balparda eta Olaia Gomez dira enpresaren fundatzaileak, biak datu-zientzialariak, eta startup-aren zuzendari nagusiak dioenez, zerbitzuak pertsonalizatzea da beren balio garrantzitsuena. “Datuak ustiatzeaz gain, hasieratik laguntzen diogu bezeroari bere premiak definitzen eta orobat erakusten diogu nola bildu behar dituen datuak eta zein aukera dauzkan proiektua inplementatzeko” dio Balpardak.

 

Data Value enpresak hainbat arlotan aplikatzen du big dataren analisia, adibidez, 4.0 Industriarako produkzio prozesuak optimizatzeko, bezeroak hobeto ezagutzeko eta beren erosketa-joerak aurreikusteko.  Azken horren adibide bat da azalera handi batekin batera garatutako proiektua. Leialtze txarteletako erosketen datuak erabiliz eredu prediktibo bat sortu zuten, zeina gai baita jakiteko zenbat gastatuko duen bezero bakoitzak etorkizunean. Tresna hori oso baliagarria da marketin kanpainak diseinatzeko eta beren inpaktua ebaluatzeko. Berriki, ardoaren sektorera zuzendutako konponbide bat sortu dute, bere bitartez mahatsaren heltze-prozesuan eragina duten faktoreak zehazteko eta, horrela, fruituaren eboluzioa aurreikusteko laborategiko laginik hartu gabe.

 

“Datuak aztertuta, enpresek askoz zehaztasun handiagoz jakin dezakete nolako eragina duten aldagai desberdinek, beraz, euren prozesuak optimizatu ditzakete eta erabaki hobeak hartu” dio Borja Balpardak. Startup-aren arabera, horrelako proiektuekin enpresak % 5 produktiboago eta % 6 errentagarriago izan daitezke.

 

Enpresa gazte hau hautatuetako bat izan da industria adimendunaren Bind 4.0 azeleragailu publiko-pribatuaren 4. edizioan, elikadura sektoreko enpresa liderrekin batera garatutako proiektu batekin. “Aukera garrantzitsua da guretzat, posible izango dugulako bezero handiekin harremanetan jartzea eta tamaina handiagoko proiektuak garatzea, eta gainera prestakuntza jaso dezakegu” dio startup-eko zuzendari nagusiak.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

24/02/20

noticia

Adimen artifiziala, mintzamena eta hizkuntzaren patologiak zuzentzeko (eta birgaitzeko)…

Bilboko lau ekintzailek online aplikazio informatiko berritzaile bat garatu dute -Rehabla deiturikoa-, mintzamenarekin edo hizkuntzarekin lotutako zailtasunak edo patologiak dituzten pazienteak, adingabeak edo helduak, banaka errehabilitatzeko aukera ematen duena.

23/02/20

noticia

Patente aditua enpresan kurtsoa: Hamargarren edizioa

Zure organizazioan nola edo hala eta asmatzaileek erakutsitako interesaren arabera kudeatzen dira patenteak?

21/02/20

noticia

Beste albiste batzuk ekintzaileentzat. Asteko laburpena. Otsailaren 17tik, 21rako astea

Wake up!. Asteko laburpena. Otsailaren 17tik, 21rako astea

20/02/20

entrevista

Aitor Alvarez, ‘Basq Company’: “Birziklatutako materialak bakarrik erabiltzea ez da burutazio huts bat”

'Basq Company' ilusio baten fruitu bezala jaio zen; surfarekiko grina, moda eta ingurumenarekiko errespetua uztartzea du helburu: Aitor Alvarezek planetarekin eta ozeanoarekin jasangarrienak eta konprometituenak diren oinetakoak sortzearen ideiarekin hasi zen.