ArrayArrayArray

Eman izena startupen euskal sarean

Bai, baino… nola?

Gehiago irakurri

MENUA

23/03/20

noticia

Mikrobiomik-ek giza mikrobioman oinarritutako medikamentu-belaunaldi berri bat sortu du

Medikamentu hori EBn merkaturatzen duen lehen enpresa izan nahi du

 

Bizkaiko Mikrobiomik enpresa biofarmazeutikoak helburutzat du giza mikrobioman oinarritutako medikamentu berriak aztertu eta garatzea gaixotasunak tratatzeko. 2018an sortutako startup hori Bic Bizkaia zentroan dago, eta dagoeneko garatu du bere lehen medikamentua, antibiotikoak hartzeagatik sortzen den hesteetako infekzio larri bat tratatzen duena.

 

Giza mikrobioma edo mikrobiota deitzen zaie gure gorputzean naturalki dauden mikroorganismoei.  Mikrobiomik-ek garatu duen medikamentu berri hori hesteetako mikrobiotaren transferentzian oinarritzen da, hau da, pertsona osasuntsuen mikrobiota pazienteen traktu gastrointestinalera eramaten da, bakterio horiek ahotik hartzen den farmako batean txertatzen dituen prozesu baten bidez.  Lehen medikamentu horren helburua C.difficile infekzioa da, hau da, beherakoa eta kolitisa eragiten dituen bakterio bat, eta kasu batzuetan ohiko tratamenduek sendatu ezin dutena. Mikrobiomik-eko zuzendari nagusi Juan Basterraren arabera, “patologia honek bereziki eragiten die ospitaleratutako pertsona nagusiei; kasuen % 75 antibiotikoekin sendatzen da, baina kasuen % 25ean antibiotikoak ez du funtzionatzen, eta talde horrek hiltzeko arrisku handia dauka”, “frogatuta dago paziente horientzako alternatiba eraginkor bakarra dela mikrobiota fekala transplantatzea”.

 

Orain arte, kolonoskopiak edo zunda duodenalak erabiltzen ziren transplante hori egiteko, biak hala biak ebakuntza gelan sartzea eskatzen duten operazio inbaditzaileak. Aldiz, ahotik hartzen den pilularekin posible izango litzateke tratamendu anbulatorio bat egitea, arriskuak murriztuz eta eraginkortasun-maila berbera lortuz, hala dio Juan Basterrak, medikuntzan lizentziatutako industria farmazeutikoko adituak. Farmako honen garapenaren abiapuntua Madrileko Gregorio Marañón ospitalearekin esklusiban hitzartutako know how transferentzia bat da. Ospitale horretan hainbat aurrerapen egin dituzte mikrobiota ahoz hartzeko pilulen arloan.

 

“Gaur egun produkzio-instalazio bat daukagu BIC Bizkaia zentroko bio-inkubagailuan, non mikrobiota fekalean oinarritutako farmakoak bakarrik fabrikatzen baitira” azaldu du Mikrobiomik-eko zuzendari nagusiak. Espero dute datozen hilabeteetan eskuratuko dutela Espainiako Medikamentuaren Agentziak ematen duen manufakturako jardunbide egokien ziurtagiria eta uda ostean hasiko direla saio klinikoak egiten pazienteekin. “Gure helburua da mikrobiota fekalean oinarritutako medikamentu biologiko bat merkaturatzen duen Europar Batasuneko lehen konpainia izatea” dio.

 

Lehen merkaturatze honen ondoren, lantaldearen asmoa da mikrobio-floran oinarritutako medikamentu gehiago garatzea beste gaixotasun batzuentzat, eta dagoeneko hasi dituzte esteatohepatitis ez alkoholikoa (gibel koipetsua delakoa) tratatzeko ikerketak. Lantaldeak Eusko Jaurlaritzaren, Bizkaiko Foru Aldundiaren eta Estatuko laguntza-programen nahiz inbertsio-funts pribatuen babesa jaso du ikerketa prozesurako eta ekimena martxan jartzeko.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

24/06/2021

noticia

Bizkaiko Foru Aldundiaren mikromezenasgo-plataforma digitala hazten ari da startupen finantzaketa-tresna alternatibo gisa

Proiektu bat sustatu eta finantzaketa bilatzen duenarentzat Crowdfunding Bizkaia bere ideiaren online erakusleiho bikaina bada

24/06/2021

noticia

Novak prestatzen ari da euskal ETEei TicketBAI ezartzeko laguntza eskaintzeko

Gasteizko aholkularitzak akordioa sinatu du BIllin online fakturazioko software-hornitzailearekin, eta partner teknologiko gehiago lortzeko lanean ari da, euskal enpresei araudi berria beren jardueran txertatzen laguntzeko.

23/06/2021

noticia

ASIMOBek ‘EIT Urban Mobility Accelerator Pitch Awards’ 2021 sarien lehenengo edizioa irabazi du

"Batez ere errepidearen egoeraren monitorizazioa eraginkorrago egiten dugu, kostuak murriztuaz batera"

18/06/2021

noticia

Cybasquek 19 bazkide berri batu ditu urritik, eta zibersegurtasuna euskal ekonomiaren gainerako sektoreetan sartzeko helburua jarraitzen du

Bazkide kopuruak nabarmen egin du gora, eraketan 40 izatetik gaur egun elkarteko kide diren 59 enpresetara igo baita. Kalkuluen arabera, sektoreak 2.000 profesional biltzen ditu Euskal Autonomia Erkidegoan