Naru Intelligence Adimen Artifizialeko startup-ak 1 milioi euroko inbertsio-erronda itxi du
Naru Intelligence-k itxi berri duen milioi bat euroko kapital-handitzearen bidez, Step produktua merkaturatzeko prozesua bizkortu eta haren aplikazioa eritasun berrietara egokitu nahi da. Naru Intelligence enpresan sartzen diren firma berriek, biomedikuntzarako Adimen Artifizialeko sistemetan espezializatua dagoen Donostiako startup-aren garapena bultzatu nahi dute, gaixo bakoitzaren tratamendua pertsonalizatu eta emaitzak hobetzeko.
Naru Intelligence-n osasun-zerbitzuen emaitzak hobetzeko eta ikerketa kliniko eta farmazeutikoak bizkortzeko, ikaskuntza automatikoko teknologiak garatzen dituzte.
Maider Alberich eta Eider Sanchezek sortu zuten 2017an, bai Eusko-Jaurlaritza / SPRI, Gipuzkoako Foru Aldundia eta BIC Gipuzkoaren babesarekin, Ekintzaile/Txekintek programaren barruan, eta baita Donostiako Sustapenaren babesarekin Ekin+ programaren barruan. Helburua, modu pertsonalizatu batean, gaixoen bizi-kalitatea eta -itxaropena hobetzea da, sistemak gaixotasun bera duten pazienteei ematen dien tratamendutik ikasiz.
Step Naru Intelligence-n lehen produktua da, minbizia eta beste gaixotasun kroniko batzuk eragin ditzaketen gertaera larrien aurkako gailu adimentsua. Pazientearen jarraipenean oinarrituta dago, tratamenduko emaitzak eta beraien bizi kalitatea hobetzeko asmoz. Step herritar guztien datuak aztertzen dituzten adimen artifizialeko tresnetan oinarritzen da, paziente guztiengandik ikasiz. Helburua, mediku, ospitale eta industria farmazeutikoari erabakiak hobeki hartzen laguntzea da.
Step gailu medikoak eskaintzen duen kalitate, datu pribatutasun eta segurtasun bermeek, bezero indartsuen interesa piztu dute: bai ospitale eta osasun-sistema publikoek, baita talde pribatuek, zein mundu errealeko datuen azterketarako (Real World Data) irtenbide digitalen alde egiten ari diren farmazia-laborategi handiek.
Gaur egun, enpresak 1M euroko kapital-gehikuntza egin du, Clave Capital-ek gestionatutako Mondragón Fondo de Promoción FCR, ORZA, ULMA eta CDTIko INNVIERTE-rekin. Inbertsioa produktuak merkaturatu, taldea sendotu eta produktua eritasun berrietara egokitzeko asmoarekin burutu da.
Naru Intelligence-k sortu zenetik babes eta laguntza ezberdinak jaso ditu, Eusko Jaurlaritzaren, Gipuzkoako Foru Aldundiaren, BIC Gipuzkoaren, Biozientziak Gipuzkoa Fundazioaren eta Donostiako Sustapenaren aldetik, besteak beste. Bestalde, 2018az geroztik Basque Fondo Naru Intelligence-ko partaide da eta 2019an, Pfizer Fundazioak Angels4Innovation programaren bidez sustatutako startup gisa hautatu zuten. Horretaz gain, hainbat sari jaso ditu, esaterako: Enpresa Berritzaile Gazteari DonostiaINN 2019 Saria edo Toribio Echevarriaren Nazioartekotze 2019 Saria.
Contenidos relacionados
25/04/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
24/04/2024
noticia
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Nuuk, Syngoi Technologies, Jeremías, Sparber Líneas Marítimas eta Pevasa enpresek jaso dituzte ON Bizkaia sariak, funtsezkoak diren sektoreetan frogatu duten berrikuntza eta lidergoagatik
23/04/2024
noticia
Emen4sport, kirol-arrakazta edonoren eskura I+G+b baten bidez
Bilboko enpresak baliabide onenak erabiliz edozein pertsonaren kirol-errendimendua eta osasuna hobetzeko “metodo paregabea eta berritzailea” garatu du. Gaur egun, hiru proiektu berri eta adimen artifizialeko plataforma bat garatzen ari da.
23/04/2024
noticia
Brandfy, markak diseinatzeko prozesua birdefinitzen duen Adimen Artifizial Sortzaile tresna
25 diseinurako baliabide baino gehiago dituen katalogoa eskaintzen du eta ez du aurrez aurre definitutako diseinu txantiloirik barne hartzen