Eman izena startupen euskal sarean

Bai, baino… nola?

Gehiago irakurri

MENUA

29/11/23

entrevista

Isauki: ““BIC-en lan begin duen jende gehiagorekin hitz eginez, startupei laguntzen dien lekua dela konturatu ginen”

Irene Arce Gutiérrezek (Kantabria, 1992) bioteknologia ikasi zuen UPV/EHUn, Leioan. Karrerako azken urteetan, ikasgaiek elikaduraren industriarekin zerikusia zuten, eta, hortaz, Elikadur Segurtasunaren Masterra egin zuen Madrilgo CESIFen (Industria Farmazeutikoaren Goi-mailako Ikasketa Zentroa). Hortik abiatuta, jogurt-fabrika bateko I+D arloan egin zituen praktikak. Bi urte eman zituen bertan. Ondoren, ia hiru urtez egon zen Fuertes taldearen barruko Sediasa enpresan, haragi-produktuak ekoizten, eta han sortu zuen bere haragi-produktu beganoen lehen lerroa, Carrefourrentzat. Lan-esperientzia horien ostean, Isaukira iritsi zen.

 

Nola jaio zen Isauki?
Milosek, enpresaren sortzaileak, arrain izoztua salerosteko enpresa bat zeukan Isauki baino lehen. Gainera, ez du haragirik jaten duela bospasei urtetik hona, baina arrainerako ez zeukan alternatiba askorik. Horri gehitu egin zaio arrainaren munduan gero eta arrantza gutxiago eta gero eta produktu gutxiago dagoela, eta itsasoak ere hondatzen ari garela. Beraz, hortik sortu zitzaion plant-based itsaski eta arrainen bere marka sortzeko ideia.

 

Zer egiten duzue?
Isaukin itsas produktuen alternatiba beganoak garatzen ditugu, hau da, itsaski eta arrainenak, zenbait landaretan eta makro- eta mikroalgen estraktuetan oinarrituta.

 

Zer helburu ezarri zenuten hasieran? Betetzen ari dira?
Sortu zenean, Isaukiren asmoa maila publikoan aitortutako marka izatea zen, baita itsasoarekin erlazionatutako produktuen sorta bat edukitzea ere, denetan itsasotik datozen osagaiak gehitzen saiatuz, hala nola algak, itsasorekiko harremana izan dezaten.
Aurtengo helburu nagusia bete dugu. Alegia, garapenak burutzea eta errezetak industrializatzea, eskala handian ekoitzi ahal izateko. Orain dela pare bat aste hiru produktuak merkaturatu eta salgai jarri genituen Euskadiko zenbait denda beganotan. Aurten dugun helburu komertziala estatuko denda guztietara iristea da.

 

Zer helburu duzue etorkizunerako?
Plant-based seafood sektoreko marka liderra sortzea, estatu-mailan, eta ahal balitz, nazioartean. 2024ko erronka finantziazio-erronda bat da, taldean hazi, kanpoko merkatura irten eta produktu berriak merkaturatu ahal izateko.

 

Uste duzue kontzientziazioa dagoela cruelty free elikadurari dagokionez?
Baietz uste dut, apurka-apurka. Batzuek kontzientziazioagatik, animalien ongizatea gogoan, eta beste askok, berriz, beren osasunagatik, nahiago dituzte honelako alternatibak.

 

Noiz eta zergatik etorri zineten BICera?
2023ko uztailean etorri ginen, gure jarduerarako leku bat behar genuelako, eta, hemen lan egin duen jende gehiagorekin hitz eginez, startupei laguntzen dien lekua dela konturatu ginen. Izan ere, ekonomikoki ez du asko eskatzen, eta, gainera, oso instalazio onak ditu, eta aholkularitza ematen du, laguntzak eta prestakuntza barne.

 

bicezkerraldea.eus

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

23/02/2024

entrevista

Ventijetek birikietako haizagailu berritzaileak sortu ditu arnasteko zailtasunak dituzten pazienteentzat

Enpresak ohiko ekipoek ematen duten baino oxigenazio handiagoa eskaintzen duen soluzio bat garatu du

23/02/2024

noticia

Wake up! Albiste ekintzaile batzuk sarean

Euskadiko talentu ekintzaile guztia, zurekin goizero zure gosarian! Jarrai iezaguzu!

22/02/2024

noticia

Ideolabek adimen artifiziala eta diseinua lotzen dituen proiektu berritzailea abiarazi du

Gasteizko enpresak, SPRI Taldearen adimen artifizialeko programaren laguntzarekin, marka bat sortzearen kostuak % 90 murrizten dituen produktua eskaintzen du.

21/02/2024

noticia

Astindu Koop, erraldoi teknologikoen alternatiba soziala

Kooperatibak berrikuntza digitalaren aldeko apustua irmoa egiten du balio ekonomiko eta soziala modu iraunkorrean sortzeko