Martxoaren 14an: Keiretsu Forum-en hirugarren edizioa
Aurreko bi edizioetako arrakastaren ondotik, datorren martxoaren 14an, arratsaldeko hiruak eta erdietatik aurrera, industria alorreko startup-en inbertsio-foroaren hirugarren edizioa egingo da Arrasaten, Garaia partek teknologikoan. Keiretsu Forum-ek, Business Angels inbertitzaile pribatuen nazioarteko sarerik handienak, eta MONDRAGONeko Sustapen Zentro korporatiboak elkarlanean antolatutako saioa izango da aurtengoa ere. Ekitaldia formatu presentzialean burutuko da, Garaia Parke Teknologikoan (Arrasate), bertako areto nagusian, eta online jarraitzeko aukera ere izango da.
Arrisku-kapitaleko erakundeak eta inbertsoreak mahaiaren bueltan
Arrisku-kapitaleko erakundeek eta arlo horretan espezializatutako inbertitzaileek osatutako mahai-inguruak emango dio hasiera foroari. Bertan, inbertsio industrialean eta dibertsifikazioan duten ezagutza, esperientziak, aukerak zein zailtasunak izango dituzte hizpide.
Ondoren, inbertsio-foroa egingo da, industria alorreko edota industriari eta haren prozesuei aplika dakiekeen produktu/teknologia duten startup-ak aurkeztuz. Enpresen hautaketa Keiretsu Forum-ek eta MONDRAGON Sustapen Zentroko taldeak aurretiaz egingo dute.
Inskripzio irekia
Interesa duen orok aukera izango du Keiretsu Forum MONDRAGONen parte hartzeko eta bertatik bertara esperientzia eta aukera ezberdinak ezagutzeko. Izena ematea oso samurra da, Formulario honetan edota mondragon-cp@mondragoncorporation.com helbidera mezua bidalita.
Keiretsu Forum-ri buruz
Keiretsu Forum munduko 'business angel' inbertitzaile pribatuensarerik handiena da. 53 egoitza ditu 27 herrialdetan, eta 2.000pertsonak baino gehiagok inbertitu dute, orain arte, 200 milioidolarretik gora ehunka startup-etan.
Contenidos relacionados
16/05/2024
noticia
Zinemaldia Startup Challenge ekimenaren VI-garren deialdia abian da
Ekimena Zinemaldia & Technology-ren esparruan kokatuta dago eta Zinemaldiaren apustu estrategikoa da, Eusko Jaurlaritzak Ekonomiaren Garapen Sailaren eta SPRI Taldearen bitartez sustatutakoa
16/05/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
14/05/2024
noticia
Kerrek informazioa bateratzen duen, zereginak automatizatzen dituen eta erabakiak hartzea hobetzen duen ERP bat eskaintzen du
Enpresa donostiar sortu berriak ERP "praktikoa, moldagarria, intereseko informazioaren integratzailea eta gainerako kudeaketa-tresnekin integragarria" izateko aukera eman nahi die enpresa eta erabiltzaile guztiei.
14/05/2024
noticia
SPRIren deialdi berria, ETEen lehiakortasuna eta digitalizazioa bizkortzeko, startup teknologikoekin lankidetzan arituz
BIND SME programaren laugarren deialdia ireki du ekainaren 28ra arte, eta dagoeneko 55 ETE dira onuradunak.