Eman izena startupen euskal sarean

Bai, baino… nola?

Gehiago irakurri

MENUA

23/05/24

entrevista

“Sarera konektatuta dagoen edozein aparatu sarrerako ate bat da eraso bat jasotzeko”

Iñaki Aldama Bullhosteko CEOarekin hitz egin dugu, zibersegurtasun soluzioetan, negozio jarraipeneko zerbitzuetan eta cloud-ostatze espezializatuta dagoen konpainia. Enpresak eraldaketa eta segurtasun proiektuak garatu eta inplementatu ditu; bezero guztien hazkundea eta bikaintasuna bultzatuko duten soluzio teknologiko aurreratuak eskaintzeko konpromisoa du.

 

Noiz eta non sortu zen enpresa?

Bullhosten jatorria Algitech da, 2005ean Araban sortutako konpainia, sistemen zerbitzu aurreratuetan espezializatua.

Hasi ginenean enpresak 2 langile baino ez zituen, nire anaia Iñigo eta ni neu. Informatikan eta enpresa-kudeaketan lizentziatu ginen, eta oso argi genuen sektore teknologikoan lekua egin nahi genuela.

Pausoak ematen joan ginen. Hasieran, edozein enpresak bezala, ez genuen baliabide gehiegirik, beraz, gure lehen bulegoa bizi ginen pisuko gela batean jarri genuen. Gure proiektua bideragarria zela egiaztatu genuenean, "independizatzea" eta merkataritza-lokal txiki bat irekitzea erabaki genuen. Hori izan zen guztiaren hasiera.

 

20 urte hauetan, nola aldatu da zure jarduera?

Proiektuak bilakaera naturala izan zuen: konpainien beharretara ohitu ahala, zerbitzu berriak sartzen genituen. Laster hasi ginen enpresentzako komunikazio-soluzioak eskaintzen, eta 2016an abian jarri genuen gure lehen Data Center. Esan liteke hori izan zela behin betiko inflexio-puntua.

2020an, pandemia bete-betean zegoela, geure SOCa (Security Operations Center) martxan  jarri genuen.2022an SPCnet taldean sartu ginen, cloud computingean espezialistatua dagoen enpresa

Gaur egun 42 pertsona gara, Leioan, Gasteizen eta Madrilen ditugun bulegoetan banatuta. Eta gure Data Centers sarea Madril, Bilbo, Gasteiz, Paris eta Amsterdametik hedatzen da.

 

Nolakoa da Bullhost enpresaren bezeroen tipologia?

Enpresa pribatu handiekin lan egiten dugu, eta sektore publikoan ere gero eta agerpen gehiago egiten ditugu. Ulertu behar da Internetek irauli egin duela bizi garen mundua, baina zaurgarri ere egin gaitu. Sarerako konexioa duen edozein aparatu sarrerako ate bat izan daiteke eraso posible baterako.

Errealitate horretatik abiatuta, edozein enpresak ditu segurtasun-beharrak. Gure kasuan, industria, energia, hotel, zerbitzu eta finantza-sektoreetako enpresekin lan egiten dugu. Azken batean, sektore jakin bati buruz baino gehiago, arrisku posiblei buruz kontzientziatutako enpresei buruz hitz egingo genuke.

 

Euskal enpresa-ekosistema kontzientziatuta al dago zibereraso baten arriskuei buruz?

Aurrera goaz, baina oraindik bide luzea dago egiteko. Enpresa askok uste dute ez dutela zibereraso baten jomuga izateko behar den tamaina edo garrantzia. Hala ere, Barne Ministerioak argitaratutako azken datuen arabera, iaz 470.388 ziberdelitu egin ziren Espainian, 2022an baino % 27 gehiago. Azken 8 urteetan zibererasoak % 508 hazi dira: mehatxu erreala eta globala da.

Zentzu horretan, esango nuke industria-sektorea dela azkarren kontzientziatzen ari den sektoreetako bat. Logikoa da: fabrikazio-lantegi baten aurkako eraso batek informazio baliotsua erakusteaz gain, ekoizpena geldiaraz dezake denbora mugagabean, horrek dakartzan kostu handiekin.

 

Nola laguntzen diezue horrelako enpresei?

4.0 industriarekin, makineria, fabrikak eta ekoizpen-plantak eraso potentzialen leburu dira. Ondorioak honako hauek izan daitezke: ekoizpena etetea, espioitza-industriala edo azpiegiturak bahitzea.

Bullhost enpresatik fabrikatzaile eta handizkari nagusiekin lan egiten dugu mehatxu horiei erantzuteko. Bezeroaren problematikara egokitzen diren konponbideak erabiltzen ditugu, hau bakarra izaten dena. Horrek barne hartzen ditu zaintza-neurriak, monitorizazioa, garrantzi handiko auditoriak. Azken batean, babesekoak dei genitzakeen soluzioak.

Baina zer gertatzen da erasoak arrakasta izan badu eta sartzea lortu badute? Orduan, ROC (Recovery Operations Center) deritzoguna daukagu, negozio-jarraipenerako eredua. Helburua konpainiaren datuak ziurtatzea eta babestea da, ziber-atariaren aurretik zegoen tokian jarraitu ahal izan dezan.

 

Zer egin beharko litzateke enpresen kontzientziazioa sustatzeko?

Prestakuntza eta dibulgazioa funtsezkoak dira. Gu oso aktiboak gara zentzu horretan. Horregatik, parte hartzen dugun ekitaldi eta azoka guztietan doako hitzaldiak edo erakustaldiak eskaintzen saiatzen gara.

Aurten BeDigital azokan parte hartuko dugu erakusketari gisa, BIEMHen industriarako teknologia azokan, eta hainbat hitzaldi eta erakustoki eskainiko ditugu gure standean, eta hitzaldi hauek etorri nahi duen ororentzat zabalik izango dira.

 

Zein da Bullhosten balio erantsi nagusia?

Zalantzarik gabe, giza elementua. IT enpresa bat garen arren, hurbiltasuna asko gustatzen zaigu, bai bezeroarekiko, bai gure hornitzaileekiko eta aliatuekiko. Gure 20 urteko ibilbidean zerbait erakutsi badigute, beste batzuekin batera hobeak garela da. Hazi, ikasi eta besteengandik elikatzen gara.

Ez gara oso arruntak, zentzu horretan. Ez gara proiektu tekniko bat garatzera mugatzen. Harremanak asko zaintzen saiatzen gara: gertuko harremana izatea gustatzen zaigu, eta kezkatzea nola doan dena, beste premiaren bat dagoen, hobeto egin dezakegun. Eta uste dut gertutasun hori sumatzen dela eta, gurea bezalako ingurune tekniko batean, eskertzen dela.

 

Bullhost-i buruz:
Kapital propioko enpresa bat da, zibersegurtasunean, Cloud sisteman eta sistema aurreratuetan espezializatua. Beren ibilbidean zehar, eraldatze eta segurtasun proiektuak garatu eta inplementatu dituzte. Bezero guztien hazkundea eta bikaintasuna bultzatuko duten irtenbide teknologiko aurreratuak eskaintzeko konpromisoa du.

Eman izena startupen euskal sarean

Kontaiguzu nolakoa den zure startup-a: nortzuk zareten, zer egiten duzuen, zeintzuk diren zuen erronkak… 15 minutu baino ez dituzu behar. Baina probetxua aterako diozu segundo bakoitzari.

Bete inprimakia

Contenidos relacionados

13/06/2024

noticia

Wake Up! Albiste ekintzaile batzuk sarean 240610

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

12/06/2024

noticia

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

SPRIk, Innobasquek eta BEAZek, Basque Enterprise Europe Network partzuergoko kide gisa, jardunaldi informatibo hau antolatu dute euskal enpresa txiki eta ertainei eta startupei ur-jauziko finantzaketak eskaintzen dituen aukerak jakinarazteko.

11/06/2024

noticia

Oarsoaldea Urdinak ekonomia urdina bultzatzeko ideia lehiaketaren bigarren edizioa deitu du

Eusko Jaurlaritzak sustatu eta finantzatzen du, Gipuzkoako eskualdeko LJZ estrategiaren (Lehentasunezko jarduera Zonaldeak) eta ekonomia urdinaren poloaren esparruan.

10/06/2024

noticia

Ongizate-Foro bat BGAEak hobeto ezagutzeko

Mondragon Unibertsitateko ikasleek Ongizate-Foro bat sortzea proposatu dute BGAEak hobeto ezagutzeko