Irisbond, ABB-rekin arituko da robotika kolaboratiboaren esparruan
Euskal konpainiak begiradaren bitartezko bere komunikazio teknologiarekin pertsonak eta robotak konektatuko ditu, startup-ak bizkortzeko BIND 4.0 programaren testuinguruan
Ikusmen artifizialeko eta lagundutako komunikazio sistema teknologikoetan espezializatutako Irisbond enpresa gipuzkoarrak, ingeniaritza elektrikoaren eta automatizazio industrialeko ABB konpainiarekin kolaboratuko du robotika kolaboratiboaren esparruan eta Eusko Jaurlaritzak eta SPRI-k startup-ak bizkortzeko BIND 4.0 programaren testuinguruan.
Orain dela hiru urte, euskal enpresak, Vicomtech-IK4 aplikatutako ikerkuntza zentroarekin batera, eye-tracking teknologian oinarritutako sistema bat sustatu zuen, desgaitasun latza pairatzen duten pertsonei, begiradaren bitartez, erraz eta intuitiboki ordenagailu batekin komunikatzeko aukera ematen duen soluzioa.
Irisbond-ek garatutako sistemak, ordenagailura konektatutako hardware gailu bat eta begien mugimendu soil batez, gailu elektroniko batekin edo inguruko pertsonekin komunikatzeko aukera eskaintzen duen software bat darabiltza.
Gipuzkoar enpresaren parte hartzeak BIND 4.0 programan, orain arte irisgarritasunaren esparrura bereziki bideratutako sistemaren eskutik industria-mundura salto egiteko aukera emango dio konpainiari. Ildo honetan, euskal enpresak ABB-rekin robotika kolaboratiboaren eskutiko komunikazio alternatiboaren ezartzean lan egingo du. Ezartze honek, industriako langileei robotekin komunikatzeko eta industria-prozesuak optimizatzeko aukera eskaini emango die.
BIND 4.0 ekimena, teknologia oso aurrerakoia duten start up-ak, trakzio-enpresekin batera, merkatuko produktuetan teknologia hori aplika dezakegun proiektuak egiteko aukera ematen duen Eusko Jaurlaritzaren eskutiko apustu oso garrantzitsua da”, azaldu du Irisbond-eko CEO Eduardo Jaureguik.
Industria-sektorean erabiltzeaz gain, Irisbond-en eye-tracking teknologia, erabiltasuna, automobilgintza edo ospitale-sektorea bezalako beste alorretan erabil daiteke. “komunikazio alternatiboaren esparruan, nazioarte mailan erreferente gisa koka gaitezen, zentro teknologikoekin lankidetzak garatzen ari gara, eye-tracking teknologia eskaintzeko beste lankidetza bide batzuk arakatuz”, adierazi du Jaureguik.
Eduardo Jauregui, Irisbond enpresaren zuzendari nagusia
Contenidos relacionados
06/05/2024
noticia
SPRIk startupekin berritzearen onurak proposatu dizkie ETEei BIND SME programaren bidez
BIND SME laugarren edizioko Sozializazio Jardunaldia webinar baten bidez egingo da maiatzaren 14an
06/05/2024
noticia
Eraldalan martxan da Gipuzkoan, lidergo eta erakunde eraldaketa programa
Programa Impact Hub Donostiak bultzatzen du eta 2024ko maiatzetik urrira garatuko da dohainik, Gipuzkoako Foru Aldundiren laguntzari esker.
05/05/2024
noticia
Lx Revek enpresen eraldaketa digitala bizkortzen laguntzen du
Enpresa donostiarrak konpainien lehiakortasuna hobetzeko soluzio teknologikoak eskaintzen ditu
03/05/2024
noticia
KABIA, zure proiektuari hegoak emateko Ekintzailetza Komunitatea
KABIAk pertsonei eta haien proiektuei laguntzeko, sortzeko, hazteko eta sendotzeko helburua du. Eusko Jaurlaritzak, HAZIren bidez, bultzatutako proiektua da, eta lurraldearen laguntzarako erakundeen laguntza du