Astindu Koop, erraldoi teknologikoen alternatiba soziala
Astindu Koop ekonomia sozial eta solidarioaren aldeko apustu bezala definitzen da, berrikuntza digitala balio ekonomiko eta soziala modu iraunkorrean sortzeko tresna gisa erabiltzen duena. Ildo horretan, kooperatibak sozietate kooperatiboen negozio prozesuak automatizatzen dituen plataforma digital bat garatu du.
"Tresna digital honen bidez, hazkunderako, enplegu kualifikaturako eta gizarte-ongizaterako aukera berriak ireki nahi ditugu sektore ekonomiko berri honentzat”.
Proiektu ekintzaile honen bultzatzaileak Dorleta Urrutia eta Antton Sagasta dira. Urrutia gaitasunen kudeaketarekin, enpresa-ikaskuntzarekin, kudeaketarekin eta talentua eskuratzearekin lotutako nazioarteko proiektu eta zerbitzuen kudeatzailea da. Antton Sagasta, aldiz, makina erreminta eta automobilgintza, aholkularitza - eta lege-zerbitzuen, retail, unibertsitate eta prestakuntza-zentroen arloko hainbat enpresa-taldetan lan esperientzia handia du. Ekintzaile hauekin batera Mikel Alonso dago, Ingurumen Zientzietan, Informatika Sistemen Administrazioan eta Euskal Filologian eta Hizkuntzalaritzan trebatutako profesionala.
Enpresa honen helburuen artean, merkatuko aplikazio komunen antzeko negozio-ereduak erabiltzen dituzten plataforma-kooperatibak sortzeari bultzada ematea dago, baina, aldi berean, horietan “jabetza partekatuko eta demokratikoko egitura" sustatzea ere bilatzen du. "Plataforma digital honen bidez, baldintza duinak dituzten lanak, erabakitzeko egitura horizontalak eta harreman sareak sortu nahi ditugu", adierazten dute startupetik.
Horrekin batera, elkarlaneko ekonomiari eta enpresa-eredu honekin lotutako plataforma digitalei erantzun soziala eman nahi diote. “Digitalizazioa gizarte kontzeptuaren aldaketa bat bultzaten ari da; prekarietatea areagotu eta egoera ahulean dauden pertsonen gizarte eta lan-klase berri bat sortzearekin mehatxatzen duena", ohartarazten dute Astinduko arduradunek. Hori dela eta, startupeko promotoreak ekonomia sozial eta solidarioaren aldeko apustua egiten dute.
Astindu 2021ean bere plataforma digital berritzaileagatik Bilbao Ekintzailetza Digitala lehiaketako hirugarren sariaren aintzespena jaso zuen. Sariaren dotazio batera, startupak aholkularitza eta prestakuntza izan zuen esparru teknologiko eta digitalean.
info+: astindukoop.eus
Contenidos relacionados
16/05/2024
noticia
Zinemaldia Startup Challenge ekimenaren VI-garren deialdia abian da
Ekimena Zinemaldia & Technology-ren esparruan kokatuta dago eta Zinemaldiaren apustu estrategikoa da, Eusko Jaurlaritzak Ekonomiaren Garapen Sailaren eta SPRI Taldearen bitartez sustatutakoa
16/05/2024
noticia
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
14/05/2024
noticia
Kerrek informazioa bateratzen duen, zereginak automatizatzen dituen eta erabakiak hartzea hobetzen duen ERP bat eskaintzen du
Enpresa donostiar sortu berriak ERP "praktikoa, moldagarria, intereseko informazioaren integratzailea eta gainerako kudeaketa-tresnekin integragarria" izateko aukera eman nahi die enpresa eta erabiltzaile guztiei.
14/05/2024
noticia
SPRIren deialdi berria, ETEen lehiakortasuna eta digitalizazioa bizkortzeko, startup teknologikoekin lankidetzan arituz
BIND SME programaren laugarren deialdia ireki du ekainaren 28ra arte, eta dagoeneko 55 ETE dira onuradunak.